Kerri: Lavrovun davranışları vəhşilikdir
 Amerika Birləşmiş Ştatlarında Moskvanın Ukraynanın şərqində geniş agentura şəbəkəsi yaratması barədə dəlillər var.
“ Bu barədə Vaşinqtonda çıxışı zamanı ABŞ Dövlət katibi Con Kerri deyib. O, rəsmi Moskva ilə separatçılar arasında aparılan danışıqların səs yazısını əldə etdiklərini vurğulayıb.
Kerri bildirib ki, kəşfiyyat strukturlarından onlara Rusiyanın yerlərdəki emissarlarının Moskvadan birbaşa təlimatlar aldığı barədə məlumatlar daxil olmaqdadır:
”Biz dəqiq bilirik ki, bu göstərişləri kim və harada verir”.
ABŞ Dövlət katibi həmçinin rusiyalı həmkarı Sergey Lavrovu da ciddi tənqid edərək, onu yalan danışmaqda qınayıb:
”Son bir neçə həftə ərzində Lavrovla 6 dəfə danışıqlara girmişəm. Axırıncı təmasımız isə ümumiyyətlə şərh olunası deyil – bu, əsl vəhşilik, yadplanetli təfəkkürü idi. Onun qədər ağa qırmızı, göyə çəhrayı deyən ikinci şəxs tanımıram. Baxın, görün biz kimlərlə müzakirə aparırıq... İnsan özünə nəzarətini itiribdi”.

Avropa İttifaqı edam cəzalarına reaksiya göstərib
Avropa İttifaqının gec göstərilən reaksiyasında İttifaqın hər şərtdə edam cəzalarına qarşı olduğuna diqqət çəkilib
Avropa İttifaqı Misirdə qəbul edilən edam cəzalarına reaksiya göstərib.
İslamazeri.az-ın TRT-ə istinadən verdiyi xəbərə görə, Avropa İttifaqının gec göstərilən reaksiyasında İttifaqın hər şərtdə edam cəzalarına qarşı olduğuna diqqət çəkilib və Misirin beynəlxalq insan haqları haqda məsuliyyətlərinə əməl etməsi barədə gedişatın naratçılıq doğurduğuna işarə edilib.
Avropa İttifaqının xarici əlaqələr və təhlükəsizlik siyasəti üzrə ali nümayəndəsi Ketrin Eşton Avropa İttifaqının Misir məhkəməsinin 683 nəfəri edama məhkum etməsinə sərt şəkildə reaksiya göstərdiyini bildirib.
Kütləvi şəkildə məhkəmə qərarlarının beynəlxalq insan haqlarını tapdaladığını qeyd edən Eşton məhkumların ayrı-ayrı ittihamlarının qeyri-müəyyən olduğunu vurğulayıb.

Səlahəddin Özgündüz DQİDK-nin sədri Elşad İskəndərovun işdən çıxarılmasından danışıb

İslamazeri.az-a münasibət bildirən Türkiyə şiələrinin liderlərindən olan, tanınmış ilahiyyatçı alim Höccətül-İslam vəl Muslimin Səlahəddin Özgündüz DQİDK-nin sabiq sədri Elşad İskəndərovun işdən çıxarılması, onun haqqında yayılmış xəbərlərə toxunub.

Səlahəddin Özgündüz Elşad İskəndərovun ölkəsinə sadiq olduğunu bildirərək deyib: "Elşad İskəndərov heç kimin adamı deyildi, yaxından tanıdığım biri kimi o, ölkəsinin və dövlətinin adamıydı, öz dövlətindən başqa heç kəsdən göstəriş alacaq şəxs deyildi".

Elşad İskəndərovun işdən uzaqlaşdırılmasıyla bağlı açıqlamasına da işarə edən Səlahəddin Özgündüz sözlərini belə davam edib: "İşdən uzaqlaşdırıldıqdan sonra verdiyi açıqlamanı da təqdirə layiq hesab edirəm. Zatən iş başında olanda da bu cür idi. Dini işlərlə bağlı işin rəhbərliyində olan şəxs kimi bütün dini çevrələrlə dioloqun və rabitənin olması təbii və yerində bir addımdır. Ölkəsində cinayətkar ünsürlər varsa, onlarla mübarizə etmək dövlətin səlahiyyətli qurumlarının işidir. Dövlətin cinayətkar qruplaşma kimi gördüyü şəxs və qurumlarla əlaqəsinin olmasını düşünmürəm"

 sanksiyalar hesabların dondurulmasını, viza qadağalarını, lisenziya verilməməsini nəzərdə tutur.
Ağ ev bildirir ki, yeni siyahıda 2 nəfər Putinin yaxın çevrəsinə daxildir. Hərçənd bunların konkret kim olmağı deyilmir. Ancaq müşahidəçilərin fikrincə, həmin 2 nəfərdən biri Rosneft şirkətinin prezidenti İqor Seçindir. Digəri hökumətdə texnoloji məsələlərə rəhbərlik edən Sergey Çemezovdur. Çemezov Rusiyada çoxları tərəfindən Putinin yaxın adamı hesab olunur.
Rusiya bundan sonra ABŞ-dan öz hərbi sənayesi üçün lazım olan məhsulları da ala bilməyəcək. Siyahıya aşağıdakı şəxslər və şirkətlər daxildir:
Baş nazirin müavini Dmitri Kozak,
Kreml administrasiyası rəhbərinin 1-ci müavini Vyaçeslav Volodin,
Rusiya prezidentinin Krımdakı səlahiyyətli nümayəndəsi Oleq Belaventsev,
“Rosneft”in rəhbəri İqor Seçin,
“Rostexnoloqii” (Rostex) Dövlət Korporasiyasının baş direktoru Sergey Çemezov,
Federal Mühafizə Xidmətinin direktoru, ordu generalı Yevgeni Murov,
Dövlət Dumasının Beynəlxalq əlaqələr komitəsinin sədri Aleksey Puşkov,
“Akvanika” MMC,
“Avia qrupp” MMC,
“Avia Nord qrupp” MMC,
“Zest” QSC,
“İnvestkapitalbank”,
“Sobinbank”,
“Saxatrans”,   
“SMP Bank”,
“Stroyqazmontaj”,
“Stroytransqaz”,
“Stroytransqaz - M”
“Abros” investisiya şirkəti,
“Transoyl”,
“Volga Group”. 

 İngiltərədə yaşayan Müsəlman qızlar da Suriyaya “nikah cihadı” adı altında zina etməyə gedirlər. Bu barədə Küveytin əl-Rəyul Am qazeti bildirib.

Qazetin yazdığı məqalədə deyilir: “Şotlandiya Polisinin Terrorla Mübarizə İdarəsi bildirib: Hər gün ötdükcə Suriyaya döyüşmək üçün gedən İngiltərəli cavanların sayı artmaqdadır. Qeyd etməliyik ki, İngiltərəli cavan qızlar da “nikah cihadı”n həyata keçirtmək məqsədi ilə ingiltərəli döyüşçülər ilə birlikdə Suriyaya yollanırlar.”

İngiltərənin “King College London” adlı müəssisəsinə bağlı Beynəlxalq Siyasi ekstremizm və zorakılığ üzrə Tədqiqat Mərkəzi bu barədə apardığı araşdırmada bildirib ki, İngiltərədən 4 Müsəlman qızcığaz Suriyaya gedərək burada terrorçu ünsürlərlə “Nikah Cihadı” edirlər.

Bu barədə açıqlama verən İngiltərə Polisinin Terrorla Mübarizə idarəsinin əlaqələr şöbəəsi üzrə müdri Helen Pal bildirib: “İngiltərə Polisi Müsəlman qızların və oğlanların analarını qane etməyə çalışır ki, öz övladlarının qarşısını Suriyaya getməkdən alsınlar. Çünki İngiltərə höküməti Suriyaya gedənlərin vasitəsi ilə silahların ölkə daxilinə gətizdirilməsindən bərk narahatçılıq keçirdir.”

Livan Milli Məclisinin spikeri Nəbiyyə Beri bu gün Seyyid Sədrud Din Sədr, Seyyid Rəd Şərəfud Din və Livan Məhkəmə sisteminin əlaqələr şöbəsinin sədri Həsən Şami ilə birgə Libiyada işgüzar səfər zamanı yoxa çıxmış İmam Musa Sədr və onu müşayət edən daha iki nəfərin müəmmalı taleyi haqqda Libiya rəsmiləri ilə görüş keçirərək danışıqlar aparıblar.

Beyrutda Livanın rəsmi xəbər agentliyinin bildirdiyinə görə, Livanın Qanunvericilik Qüvvəsinin (parlament) sədri bildirib: “Bu görüş, itkin düşmüş İmam Musa Sədr və onu müşaiyət edən iki nəfərin müəmmalı taleyinin axtarışı ilə bağlı əldə olunan son nəticələr haqqda baş tutub.”

O, daha sonra bildirib: “Görüş zamanı biz xüsusi vurğu ilə, İmam Musa Sədrin itkin düşməsi ilə bağlı Livan və Libiya hökümətləri arasında əldə olunan müvafiqnamə üzərində danışıqlar apardıq. Bu iş bizim üçün olduqca həyatıdır. Çünki, qeyd olunan müvafiqnamə onların səhih və...

 İnternetdə İŞİD qruplaşmasına mənsub terrorçuların baş kəsmə videosu yayılıb
"Youtube" sosial şəbəkəsində yayılan videoda azərbaycanlı vəhhabilərin də baş kəsmə əməliyyatında iştirak etdiyi göstərilir.
İslamazeri.az-ın verdiyi xəbərə görə, videonun fonunda Azərbaycan dilində danışıqlar gedir. Videonun sonunda deyilir ki, bütün ceyşullahları bu aqibət gözləyir.
Ceyşullah qruplaşması da vəhhabi terrorçuları tərəfindən təşkilatlanıb. Digər vəhhabi təkfirçi qruplaşması İŞİD, Suriyadakı terrorçularla yola getmir, onları münafiq, kafir adlandırır və qətllərini də vacib hesab edir.
"Əl-Qaidə" terror təşkilatının sədri Əymən əz-Zəvahiri bu gün "Nusra" terrorçularına xəbərdarlıq göndərib. O deyib ki, "Nusra" yaraqlıları Suriyada olan digər təşkilatlarla savaşmasın. Belə olduğu təqdirdə əsl hədəfdən yayınırlar.

Birləşmiş Millətlər Təşkilatının Cənubi Sudandakı sığınacağına silahlı hücum olub.

Təcavüzkarlar BMT bazasına sülh nümayəndəsi kimi yaxınlaşıb. Silahlı hücum nəticəsində 48 nəfər ölüb, 100-dən çoxu yaralanıb.

Təcavüzkarların sayı təxminən 350 nəfər olub və 10 itki veriblər. Hücumu şiddətli bir şəkildə qınayan BMT Baş katibi Pan Gi Mun BMT əsgərlərinə qarşı hücumun qəbul edilə bilməyəcəyini və bunun yerdə qalmayacağı xəbərdarlığını verib.

Rəşad Ramazanov aclıq aksiyasına başlayıb

Dindar bloqçu Rəşad Ramazanov aprelin 21-də həyat yoldaşı Könül İsmayılova ilə telefon əlaqəsi saxlayıb

Könül İsmayılova “Media forum” saytına deyib ki, Rəşad Ramazanov ona aprelin 20-dən 2 saylı Cəzaçəkmə Müəssisəsində aclıq aksiyasına başladığını və bununla “Nida”çı gənclərlə həmrəy olduğunu bildirib: “Rəşadın ağ ciyəri xəstədir, mənim etirazıma baxmayaraq bu addımı atmaqda israrlıdır”.

Rəşad Ramazanov 2013-cü ilin mayında həbs edilib. O, qanunsuz olaraq külli miqdarda narkotik vasitələri saxlamaqda təqsirli bilinib. Bakı Ağır Cinayətlər Məhkəməsi Rəşad Ramazanova 9 il azadlıqdan məhrumetmə cəzası kəsib. Bakı Apellyasiya Məhkəməsi hökmü qüvvədə saxlayıb.

Rəşad Ramazanov sosial şəbəkələrdə hakimiyyət əleyhinə statuslar paylaşdığına görə tanınıb. “Nida” Vətəndaş Hərəkatının həbsdə olan 8 üzvü Bakı İstintaq Təcridxanasında aclıq aksiyası keçirir.

Aksiyaya səbəb aprelin 17-də Bakı Ağır Cinayətlər Məhkəməsində keçirilən prosesdə dövlət ittihamçısının təqsirləndirilənlərə 6 il 6 aydan 8 il 6 ayadək həbs cəzası istəməsidir.

əl-Nüsrə Cəbhəsi adlı vəhşi terrorçu qruplaşmaya bağlı olan yaraqlı qruplaşmalr elan ediblər: “Nurud Din briqadasının komandiri Əhməd Bikri Zureyq Hələbin əl-Ramusə məntəqəsində gedən döyüş zamanı Suriya Milli Ordusu tərəfindən həlak edilib.”

Bəyanatda bildirib: “26 yaşlı Əhməd Bikri Zureyq, bir çox əməliyyatlarda o cümlədən Hələb rayonunun Şeyx Nəccar və Raşidin məntəqələrində aparılan əməliyatlarda iştirak etmiş və əl-Ramusə məntəqəsində apardığı sonuncu əməliyyatda Suriya Milli Ordusu tərəfindən öldürülmüşdür.”

Başqa bir tərəfdən isə verilən məlumatlarda Suriya Milli Ordusunun Qədim Homs şəhərində apardığı anti-terror əməliyyatları nəticəsində xeyli sayda vəhşi yaraqlı ünsürlər darmadağın edilmiş, nəticədə Ordu Birlikləri Cubbul Cəndəl və sair məntəqələri, habelə əl- Vəlidiyyə olmaqla yanaşı digər təhsil ocaqlarını yaralı ünsürlərdən təmizləmiş və azad olmuş məntəqələrin kontrolunu tam nəzarət altına almışlar.

 Suriya Prezidenti Bəşşar Əsəd cənabları Məsihilərin Pak Bayramı günü, Qələmun şəhərinin cənubunda yerləşən, məsihiərin kompakt yaşadıqları qədim tarixə malik olan və qondarma “İraq və Şam İslam Dövləti” adlı azğın təkfirçi yaraqlıların əlindən yenicə azad edilmiş Məlulə şəhərinə səfər edərək yerli sakinlərlə səmimi görüş keçirdib.

Suriya Milli Televiziyasının məlumatına görə, Bəşşar Əsəd cənabları təkfirçilərin darmadağın və qarət etdikləri tarixi məntəqələrə baş çəkmiş və çıxış zamanı yaraqlı ünsürlərin yaramaz əməllərini qınayaraq ölkə məsihilərinin Pak Bayramını onlara təbrik ərz etmişdir.

Bəşşar Əsəd cənabları bildirmişdir: “Kimsə ölkəmizin Tarix və Mədəniyyətini dağdaraq məhv edə bilməz!”

Qeyd edək ki, Məlulə şəhəri məsihilərin ən mühüm şəhərlərindən biri sayılır. Bu şəhərdə xaçpərəstlərin bir çox qədim Kilsələri mövcuddur.

Ötən həftə ərzində Məlulə şəhəri uğrunda Suriya Milli Ordusu ilə azğın təkfirçi yaraqlıları arasında gedən amansız döyüşlərdən sonra şəhər tamami ilə terrorçu qruplaşmalardan təmizlənmiş və Dəməşq əyalətinin şimal məntəqəsi olan Qələmun rayonunun tamai ilə yaraqlı ünsürlərdən pak edildiyi rəsmən elan edilmişdir.

Prezident Bəşşar Əsəd Məlulə şəhərinə baxış keçirtdikdən sonra evlərindən didərgin düşmüş xaçpərəstlər geriyə dönərək Pak Bayramı evlərində qeyd etmişlər.

 Müsəlmanların qanlarının axıdılmasını vacib bilən azğın “təkfirçi” sekta qondarma “İraq və Şam İslam Dövləti” (İŞİD) adlı terrorçu qruplaşmanın qanadının Qəzzə Zolağında yaratdığını elan edib.

Fələstin torpaqlarını işğal etmiş sionist israil rejimi ilə əməkdaşlıq edərək Suriyada Msəlmanlara qarşı “cihad” elan etmiş sələfi-vəhhabi yaraqlıları Qəzzədə yenicə yaratdıqları anti-Müsəlman təşkilat vasitəsi ilə, Qəzzə hökümətindən “Şəriət” qanunlarına uyğun şəkildə idarə etməkliki tələb ediblər.

Suriyada Müsəlmanları qanlarına qəltan edən qondarma “İŞİD” adlı yaraqlı ünsürlər bildiriblər: “Biz, “Şeyx Əbu Nur Muqəddəsi Briqadası”nı artıq yaratmışıq və hazırda briqada üzüvləri təlimlərə başlayıblar.”

Qeyd edək ki, Əbu Nur Müqəddəsi ləqəbi ilə məşhur olan Əbdül Lətif Musa “təkfirçi” sektanın Qəzzə Zolağındakı aktiv təbliğatçısı olmuş və “Cundu Ənsarullah” silahlı qruplaşmasına komandirlik edirmiş. 2009-cu ildə Həmas təşkilatı onun evini dağıtmaqla Əbdül Lətifi öldürmüşdür.

Əbdül Lətif 2009-cu ilin avqust ayında Qəzədə yerləşən İbni Teymiyyə Məscidində çıxış edərək “Fələstində İslam Əmirliyi” adlı qondarma dövlət yaratdığını elan etmiş və Qəzzə dövlətindən də İslam Şəriətinə əməl etməkliyini tələb etmişdir.

Cənubi Sudanda silahlıların hücumu nəticəsində 100-dən çox insan ölüb

 Cənubi Sudanın Varab ştatında silahlılar maldar düşərgəsinə hücum edib, nəticədə 100-dən çox insan ölüb. “RİA Novosti”yə istinadən verilən xəbərə görə, silahlı dəstənin hücumu nəticəsində 28 dinc sakin ölüb. Polis və ordu birləşmələrinin hücum edən silahlılara qarşı keçirdiyi xüsusi əməliyyat nəticəsində 85 yaraqlı öldürülüb

 Fransanın Lo Fiqaro qazeti bildirir ki, son iki ildə Fransa Müsəlmanları qalmaqallı “Evlənmək hammı üçün! Və həmcinsbazların bir biriləri ilə evlənməkini təsdiqləyən Cisiyyət fərziyyəsi” ilə əlaqədar ehtiyatla rəftar etmiş və bu işlə razılaşmasalar da lakin ona qarşı da çıxmamışlar. Ancaq bu həftə Fransa Müsəlmanlarının keçirdəcəkləri illik sesiyaları onların iki illik sükutuna son qoyacaq.

Konfransın mövzusu “Tərəqqi dünyasında nələri dəyər adlandırmaq olar? İnsan, Ailə, İctimai həyat.” qoyulduğu bildirilir.

“Fransa İslam Təşkilatları Birliyi”nin katibi...

"Nida"çı gənclərdən mesaj: "Burdan ya cəsədimiz çıxacaq, ya da.

Aprelin 17-də məhkəmənin üst-üstə 64 illik həbs cəzası tələb etdiyi "Nida"çı gənclərdən xəbər var. Musavat.com-a verilən məlumata görə, prokurorun barələrində ağır cəza tələbi səsləndirdiyi gündən etibarən aclıq aksiyasına başladıqlarını elan edən və artıq aksiyaya başlayan gənclər dirənməkdə israrlıdırlar. Həmin gənclərdən biri - Rəşadət Axundov dostlarına belə bir mesaj göndərib:

"Əziz dostlar, biz dünəndən (17 apreldən) etibarən aclıq aksiyasına başlamışıq. Qərarımız qətidir. Sizlərdən və valideynlərdən xahişimiz odur ki, aclığı dayandırmaq barədə bir istəyiniz olmasın. Hər bir halda imtina edəcəyik. Bu, bizim və sizin azadlığıniz uğrunda apardığımız vicdan və ləyaqət davasının növbəti mərhələsidir. Bəlkə də bizim üçün son mərhələdir. Çünki burdan ya cəsədimiz çıxacaq, ya azad etməlidirlər. Başqa yol yoxdur. Şərtimiz yalnız budur! Sizi sevir və bağrımıza basırıq".

Qeyd edək ki, gənclər "Molotov kokteyli" hazırlamaq yolu ilə dövlət çevrilişi cəhdində təqsirləndiriilirlər.

Suriyada çəkilən bu foto dünyanı şoka saldı

Fotoşəkilin altında "bizim ən gənc əsirimiz" şərhi yazılıb

Suriyada çəkilən bu fotoşəkil sosial mediada yayılandan etibarən, insanlara bir daha müharibə və terrorizm həqiqətlərinin nə dərəcədə dəhşətli olduğunu xatırladıb.

Fotoşəkilin altında yazılan "bizim ən gənc əsirimiz" şərhi isə terrorizmin iyrəncliyini və vəhşətini bir daha sübut edib.

Suriyanın Kəsab şəhərində çəkilən bu foto sosial şəbəkədə paylaşılandan etibarən geniş reaksiyalara səbəb olub.

Bu gün axşam saat 19 radələrində Ceyranbatan qəsəbəsinin bir neçə yüz sakini Bakı-Sumqayıt magistral yolunu bağlayaraq aksiya keçirib. Bu barədə “Musavat.com”-a məlumat verən mənbənin sözlərinə görə, aksiyaya səbəb Ceyranbatanın bağlar massivinə son iki gün ərzində içməli suyun verilməməsi səbəb olub. Aksiya iştirakçıları təcili şəkildə suyun verilişinin bərpasını tələb edib. Yolun bir müddət qapalı qalması Bakı-Sumqayıt yolunda dəhşətli tıxaca səbəb olub. Əraziyə cəlb edilən polis camaatı yoldan uzaqlaşdırmağa nail olsa da, yoldakı tıxac tam aradan qalxmayıb. Mənbə bildirdi ki, polis təkid etsə də, sakinlər dağılışıb getmək istəməyib və “Azərsu” əməkdaşlarının gəlməsini tələb edib.

Qafqaz Müsəlmanları İdarəsində Qazilər şurasının iclası keçirilib.Səsvermə yolu ilə yeni qazilər və səlahiyyətli nümayəndələr seçilib. Bütün Qafqazın Şeyxi Hacı Allahşükür Paşazadə son dövrlər görülən işlər barədə məruzə ilə çıxış edib.

Şeyx bildirib ki, vəhhabiliyə və radikallığa qarşı 50 mindən artıq kitab çap edilərək ictimaiyyət arasında, həmçinin vəzifəli şəxslərə, polislərə, icra başçılarına, ağsaqqallara paylanıb. Vəhhabi cərəyanı kitabında doğru istiqamətin, haqqyolunun hansı olduğu izah edilib. Bütün Qafqazın Şeyxi axund və qaziləri radikallığa qarşı mübarizədə fəal olmağa,...

QMİ-də halal qida məhsulları istehlakçılarının haqlarının qorunması ilə bağlı İşçi Qrupu yaradılıb

Bu gün Qafqaz Müsəlmanları İdarəsinin (QMİ) Qazılar Şurasının iclası keçirilib.  QMİ Qazılar Şurasının üzvləri və İdarənin səlahiyyətli nümayəndələrinin iştirakı ilə keçirilən toplantıda Şuranın sədri, Şeyxülislam Allahşükür Paşazadə məruzə ilə çıxış edib.

İclasda son zamanlar qida məhsullarının halallığı ilə bağlı Azərbaycan ictimaiyyətini maraqlandıran məsələ də müzakirə olunub. Din xadimlərinin çıxışlarında bu məsələyə dair açıqlamalar verilib. Bildirilib ki, halallıq sırf şəri səciyyə daşıyan məfhum olduğundan,...

Rusiya prezidenti Vladimir Putin Ukraynada maksimum planını yerinə yetirdikdən sonra, növbə Baltikyanı ölkələr və Qarabağa çatacaq, bu sözləri "Gordonua.com" saytına müsahibəsində rusiyalı politoloq, sosioloq və publisist Stanislav Belkovski bildirib. O, əlavə edib ki, Vladimir Putin yalnız öz istəyini həyata keçirdikdən sonra Ukraynadan əlini çəkəcək.

Stanislav Belkovski daha sonra deyib ki, hazırki durumda Rusiyanı yalnız iqtisadi tənəzzül və ya buna oxşar ciddi hadisə dayandıra bilər: "Putin hazırda Ukraynanın cənub-şərqinə nəzarəti tam əlinə almaq və Qara dənizi Rusiyanın ixtiyarına vermək istəyir. O, həmçinin rəsmi Kiyevi də Dnestryanı bölgənin müstəqilliyini tanımağa məcbur etmək fikrindədir. Rusiya prezidentinin maksimum planı Donetsklə Dnestryanı bölgə arasında bufer dövlətlər sistemini yaratmaqdır. Bura Ukraynanın Donetsk, Luqansk, Zaporojsk, Xersonsk, Nikolaevsk və Odessa şəhərlərini ələ keçirmək də daxildir. Ukraynada Rusiya ilə razılığa gələ biləcək bir siyasətçi var, o da Yuliya Timoşenkodur. Putin hazırki durumda yalnız onunla razılığa gələ bilər.”

Suriya Ərəb Respublikası bu gün, 'Boko Haram' adlı azğın “təkfirçi” terror təşkilatının Nigeriyada reallaşdırdığı terror hərəkətlərini qınayıb.

Suriya Xarici İşlər Nazirliyi bu gün nəşr etdiyi bəyanatında bildirib: “Suriya, 'Boko Haram' adlı təkfirci terror ünsürlərinin Nigeriyada günahsız insanlara, şagirdlərə və Milli Orduya qarşı törətdiyi qeyriinsani terrorçu hərəkətlərini narahatlıqla izləyir.

Nazirlik qeyd olunan bəyanatda bildirib: “Təkfirçi terror qruplaşması Paytaxtın şəhərətrafı milli nəqliyyat qarajında bomba qurğuları ilə yüklü bir avtomobillə reallaşdırdığı terror əməliyyatında, 50 günahsız adamın həyatına son qoymuş və onlarla adamın da yaralanmasına gətirib çıxartmışdır. Suriya hökuməti insanlığa sığmayan bomba ilə həyata keçirilmiş terror aktını şiddətlə qınayır.”

Suriya Xarici İşlər Nazirliyi Suriya hökumətinin terrora qarşı olduğunu, Nigeriya hökuməti və xalqının dərdinə şərik çıxdığını, habelə Nigeriya Şəhid ailələrinə başsağlığı verdiyini, yaralılara da təcili şəfalar tapmalarını təmənna etdiyini bildirib.

Nazirlik beynəlxalq aləmin azğın əl-Qaidə və vəhhabilik cəryanlarından doğan təkfirçlərə qarşı məsuliyyəti qəbul etməklə birlikdə təcili və təsirli işlər görməyi tələb edib.

Suriya Nazirliyi həmçinin təkfirçi və radikal terror qruplaşmalarını dünya təhlükəsizliyi və sabitliyini təhdid edən və beynəlxalq aləm üçün ən böyük təhlükə halına gəldiyini xəbərdar edib.

Ölkənin İraqla sərhəd ərazisi olan Əbu Kamal qəsəbəsində "Əl-Qaidə" teror təşkilatının "Əl-Nusrə" hərbi qanadı ilə "İraq Şam İslam Dövləti" (İŞİD) adlı qruplaşmanın döyüşçüləri arasında amansız döyüş gedir.Son iki gündə baş verən qarşıdurmalarda tərəflər ümumilikdə 86 itki verib. Ölənlərdən 60-nın "Əl-Nursə" silahlıları olduğu açıqlanıb.

Ruhani Hacı Tale Bağırovun məhkəməsində yaranmış insidentə görə saxlanılan Məhərrəm Süleymanov, Nail Rəşidov, Alim Rahibzadə və Seyid Musarza Heydərovun növbəti məhkəmə iclası keçiriləcək

Məhkəmə iclasında qalan bir zərərçəkmiş və 8 şahidin ifadə verməsi gözlənilir

Hacı Seyid Musarza Heydərov Əlyazmalar İnstitutunun elmi işçisidir. O həmçinin elmlər namizədi, çox sayda elmi məqalələrin müəllifidir

Ötən gecə "nurçu"lara qarşı Bakının Yasamal rayonunda əməliyyat keçirilib

Dünən 22.00 radələrində Bakının Yasamal rayonunda "İnşaatçılar" metrosu olan ərazidə, Şərifzadə-Talıblı, Xıdır Mustafayev küçələrinin kəsişməsində,...

Hacı Zülfüqar Mikayılzadə və digər 2 nəfərin saxlanılmasına səbəb kimi yaşayış üçün nəzərdə tutulmuş evin ofis kimi istifadə edilməsi göstərilib.

Məlumata görə, qonşular ofisə çox sayda insanın gəlməsindən narazı olub polisə şikayət ediblər. Mənzilin sahibi də bölməyə çağırılıb.

Qeyd edək ki, bu gün günorta radələrində tanınmış ruhani ilə birlikdə onun sürücüsü Sərvər və "Lenkeranxeber.com"un jurnalisti Ramik Cəfərzadə də bölməyə çağırılıb.

Sürücü bildirib ki, polis bölməsində ilahiyyatçıya qarşı kobud rəftar edilib.

Daxili İşlər Nazirliyinin mətbuat xidmətinin rəis müasvini Ehsan Zahidov isə bu barədə heç bir məlumata sahib olmadığını bildirib.

Quran hafizi Hacı Zülfiqar Mikayılzadə artıq bir neçə saatdır ki, polis bölməsindədir və hələlik ilahiyyatçının azadlığa buraxılmasına dair bir məlumat yoxdur.

 Suriya Silahlı Qüvvələri paytaxt Dəməşqə yaxın Məlihə məntəqəsində bir neçə tünel kəşf edib. Məlumata görə, yaraqlı təkfirçilər qeyd olunan tünellərdən terror əməliyyatlarında istifadə edirmiş.

Suriya rəsmi televiziyasının məlumatına görə, vəhhabilər həmçinin Suriya Milli Ordusu ilə gedən döyüşlərdə amanda qalmaq üçün Məliha məntəqəsində bir neçə səngər də qazıblarmış.

Suriya Milli Ordusunun xüsusi müxbiri tünellər barədə verdiyi açıqlamada bildirib: “Qeyd olunan tünellər Silahlı Qüvvələrimiz tərəfindən yaraqlıların təqibi zamanı aşkarlanıb.”

Suriya Milli Ordusundakı mənbələrdən birinin verdiyi məlumatda isə bildirilir: “Suriya Milli Ordusu ilə üzbəüz döyüşməkdən ehtiyat edən azğın yaraqlı ünsürlər, terror aktlarını həyata keçirtmək məqsədi ilə yeraltı tünellər qazmağa məşğuldurlar. Lakin qeyd etməliyik ki, Ordu Bölmələri terrorçuları yerin altında da təqib etməyə davam edir və kəşf etdiyi bütün tünelləri yaraqlıların başı üzərində dağıdaraq onlara ağır itkilər verməyə məcbur edir.”

Dünən Deyr əz-Zor bölgəsində İŞİD və "Nusra Cəbhəsi" arasında gedən döyüş 54 terrorçunun ölümü ilə nəticələnib. 100 "Nusra Cəbhəsi" terrorçusunu əsir götürən İŞİD, Elbu Kəmal şəhərində xalqın qarşısında edam edib

Fələstin torpaqlarını işğal etmiş sionist israil rejimin baş naziri Benyamin Netanyahonun evinin sabiq qulluqçusu Jil İlyaho məhkəməyə şikayət edib.

O, Netanyahonun arvadı Saranın onunla çox pis davrandığını və şəxsiyyətinin alçaldığını bildirib.

Netanyahonun ofisi isə, bir daha xəbəri təkzib edib və belə bir hadisənin baş vermədiyini və bunun baş nazirə qarşı növbəti “qara piar” olduğunu bildirib.

İşğalçı rejimin televiziyası isə xəbər haqda açıqlama verərək bildirib: “Netanyahonun evində işləyən sabiq qulluqçu baş nazirin xanımını məhkəməyə vermək niyyətindədir.”

Sabiq qulluqçi Jil İlyaho verdiyi açıqlamada bildirib: “Netanyahonun xanımı mənimlə olduqca pis və təhqiramiz rəftarlar edib.”

İki il öncə işindən uzaqlaşan xadimə daha sonra deyib: “Netanyahonun evində xidmət göstərən qulluqçular daim qorxu içində yaşayırlar... Mən şəxsiyyətimin alçaldığı üçün bu ailədən 500 min vahid İsrail pulu tələb edirəm.”

Qeyd edək ki, Benyamin Netanyahonun xanımı kobud rəftarlı bir qadın kimi tanınır. 2013-cü ilin 19 mart ayında da Sara Netanyahonun şəxsi cangüdənlərindən biri də Saranın kobud xasiyyətindən irəli gələn təhqiramiz rəftarlarından məhkəməyə şikayətlənmişdir. Habelə sionist rejimində çap olunan qazetlər də öz növbəsində Saranın kobud rəftarlarını daim işıqlandırırlar. Saranın kobud adam olması artıq heç kimə gizli deyil.

Xatırladaq ki, 2010-cu ildə də, Netanyaho ailəsinin qulluqçularından olan qadın xidmətçisi, Saranın təhqiramiz rəftarlarına dözə bilməyərək məhkəməyə şikayət etmişdir.

  Lasana Diyaranın Moskva Lokomotiv Futbol Klubundakı proqramının icraçı müdiri Hafbek bildirib: “Fransalı oyunçu heç bir zaman Suriyaya getməyib və onun terrorçu qruplaşmalar sırasına qatılaraq Bəşşar Əsəd hökümətinə qarşı vuruşması haqda yayılan xəbərlər həqiqəti əks etdirmir.”

Lasana Diyara həmçinin özünün Tvitter səhifəsində Suriyaya gedişi haqda xəbəri təkzib edərək, Suriyada gedən daxili müharibədə iştrak etdiyi xəbəri rədd edib.

Xatırladaq ki, Londonda işıq üzü görən “Memri” qazeti bir neçə gün öncə bildirmişdir: “İngiltərənin Arsenal futbol klubunun sabiq oyunçuları “İraq və Şam İslam Dövəlti” adlı terrorçu qruplaşmasına qoşularaq mahir futbolçudan mahir bir terrorçuya çevriliblər.”

Qeyd olunan qazetin internet variantındakı Memri TV bölümündə yayımlanan videoda futbolçu kimi tanıtdırılan Əbu İsa Əndəlusi ləqəbi üzü bağlı şəxs bütün Müsəlmanlardan “İraq və Şam İslam Dövləti” adlı terrorçu qruplaşmaya qoşulmalarını istəyib.”

 İslam İnqilabının Ali Məqamlı Rəhbəri Həzrət Ayətullah Xamenei Azərbaycan Respublikasının prezidenti cənab İlham Əliyevlə çərşənbə günü günortadan sonra baş tutan görüşündə iki qonşu ölkə olan İran İslam Respublikası və Azərbaycan arasındakı tarixi, mədəni və dini bağların ikitərəfli münasibətlərin gücləndirilməsi üçün effektiv amil olduğunu bildirərək aşağıdakıları vurğuladı: “Biz siyasi iradəmizi ortaya qoyub əldə edilmiş razılaşmalara ciddi surətdə əməl etməklə təxribatçı planlara qalib gəlməli, xalqlarımız və dövlətlərimiz arasındakı əlaqələri günü-gündən daha da möhkəmləndirməliyik”.

“Xalqa, onun dini inancına daha yaxın olmaq hər bir dövlətin uğurunun qarantıdır” – deyən Ali Məqamlı Rəhbər əlavə etdi: “Dini ekstremizmi yaymağa çalışan bəzi cərəyanların İslam məzhəbləri arasına ixtilaf salaraq milli birliyi pozmasına imkan vermək olmaz”.

Həzrət Ayətullah Xamenei İİR və Azərbaycan prezidentləri arasında baş tutmuş danışıqları və əldə edilmiş razılaşmaları, eləcə də müştərək iqtisadi komissiyanın təşkilini müsbət qiymətləndirərək dedi: “Tərəflərin imkan və potensialını nəzərə alaraq iki ölkə arasında qarşılıqlı əməkdaşlığın hazırda aşağı səviyyədə olduğunu demək olar. Ümidvaram ki, budəfəki səfər iqtisadi və regional əməkdaşlığın genişləndirilməsi üçün bir başlanğıc olacaq”.

İki ölkə arasında münasibətlərin genişləndirilməsi üçün siyasi iradə və ciddi niyyət tələb olunduğunu bildirən Ali Məqamlı Rəhbər əlavə etdi: “Əlbəttə ki, İran İslam Respublikası ilə Azərbaycan Respublikası arasında əlaqələrin möhkəmləndirilməsi bəzi dövlətlərin,...

Müdafiə naziri Zakir Həsənov İran İslam Respublikasının müdafiə və Silahlı Qüvvələrə dəstək naziri Hüseyn Dehqanın dəvəti ilə İran İslam Respublikasına rəsmi səfər edəcək.

14-15 apreldə gerçəkləşəcək səfər çərçivəsində ikitərəfli hərbi əməkdaşlıq məsələlərinin müzakirəsi, regional təhlükəsizlik məsələləri üzrə fikir mübadiləsinin aparılması, İran İslam Respublikasının rəhbərliyi ilə bir sıra görüşlərin keçirilməsi planlaşdırılır.

 İran İslam Respublikasının Prezidenti Höccətül İslam vəl Müslimin Doktor Həsən Ruhani Azərbaycan prezidenti İlham Əliyevlə birgə keçirdiyi mətbuat konfransında bildirib: “Azərbaycan Respublikası prezidentinə İran İslam Respublikasına səfər etdiyinə görə minnətdarlığımı bildirirəm. İlham Əliyev ilə ilk görüşüm Davos forumu çərçivəsində olub. Həmin görüşdə biz mühüm qərarlar qəbul etdik. Bu gün həm geniş tərkibdə, həm də təkbətək keçirdiyimiz görüşlərdə hər iki ölkəni maraqlandıran bütün məsələləri nəzərdən keçirdik”.

İran İslam Respublikasının prezidenti deyib ki, bu gün iki ölkə arasında əlaqələrin inkişafı üçün heç bir maneə yoxdur: “Azərbaycan Respublikası və İran İslam Respublikası iki yaxın qonşu, dost, qardaş və həmməzhəb bir ölkədir. İki ölkə arasındakı səmimi münasibətlər həm xalqlarımızın, həm də regionda sabitliyin və inkişafın xeyrinədir”.

Höccətül İslam vəl Müslimin Doktor Həsən Ruhani iki ölkənin rəsmiləri arasında keçirilən müzakirələrə də toxunub: “Biz iki ölkə arasında iqtisadi məsələlər,...

 İran İslam Respublikasına rəsmi səfər edən Azərbaycan Respublikasının prezidenti İlham Əliyev aprelin 9-da Tehranda Ümümdünya Müsəlmanlıarının Ali Dini Lideri Ayətullah Uzma Seyid Əli Xamenei həzrətlərinin qəbulunda olub.

İmam Xamenei həzrətləri Azərbaycan prezidentinin səfərinin iki ölkə arasındakı əməkdaşlığın daha da genişlənməsi işinə xidmət edəcəyinə əminliyini vurğulayıb və əlaqələrin bundan sonra da uğurla inkişaf edəcəyinə ümidvar olduğunu bildirib.

Ümümdünya Müsəlmanlıarının Ali Dini Lideri Ayətullah Uzma Seyid Əli Xamenei həzrətləri ölkəsinin Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü əsasında həllinin tərəfdarı olduğunu bildirib.

Həzrəti Ayətullah Seyid Əli Xamenei Azərbaycan prezidentinin böyük təcrübəyə malik olduğunu vurğulayıb və Azərbaycan xalqına firavanlıq arzularını çatdırıb.

Qeyd edək ki, Azərbaycan Respublikasının prezidenti İlham Əliyev, İmam Xamenei həzrətləri ilə, keçirtdiyi görüşündən sonra Bakı vaxtı ilə 21:00-da Tehran İmam Xomeyni adına Beynəlxalq Hava Limanı vasitəsi ilə Bakıya geriyə dönüb.

Suriya Milli Ordusunun Hələb şəhərinin Salahaddin bölgəsinə yaxın olan əl Amriyə məntəqəsində təşkil etdiyi anti-terror əməliyyatda onlarla sələfi öldürülmüş və yaralanmışdır.

Hərbi qaynaqların bildirdiyinə görə, qarşıdurma zamanı, darmadağın edilmiş vəhhabi terrorçularına aid olan silah və sursatlar da məhv edilmişdir.

Leyrmun, Sənaye Şəhəri, Heriytan, Mərkəz Həbsxana yaxınları, Qveyres ətrafı, əl Raşidin 4, Xan Toman, Humeyma, əl Ətarib, Andan, Köhnə Hələb şəhəri, Kəfər Hamra, Dahrat Əbdrabboh, əl Firdovsi, Həddadin, Vadihi və Muarrat əl Artik bölgələrində olan bir çox terror yuvalarının yox edildiyinə toxunan qaynaq, qeyd olunan məntəqələrdə meydana gələn qarşıdurmalarda da onlarla terroristin ölü və yaralı olaraq ələ keçirildiyini əlavə edib.

Qaynaq daha sonra Təlbisa bölgəsi, Əyn Hüseyn, Ristin və Kəfər Laha bölgələrində təşkil edilən əməliyyatlarda da bir çox terror yuvasılarının məhv edildiyini vurğulayıb.

 Livan Hizbullah Müqavimət Təşkilatının Baş Katibi Höccətül İslam vəl Müslimin Seyyid Həsən Nəsrullah Livanın əl-Səfir qazetlərinə verdiyi müsahibəsində bildirib: “Hizbullah Müqavimət Təşkilatı, çaxnaşmaların mərkəz obyektinə çevrildiyi üçün, Livanda baş verən bütün hadisələrin cilovunu ələ keçirdib. Təşkilatımız iman, bəsirət, mərifət, diqqət və tam yəqinlik ilə, bütün işlərə nəzarət edir.”

Höccətül İslam vəl Müslimin Seyyid Həsən Nəsrullah Suriyada baş verən yəhudi fitnələrinə işarə edərək bildirib: “Bu, ölüm və dirim məsələsidir. Qarşımızda iki yol var, ya ölüm və ya həyat, ya qələbə ya da ki məğlubiyyət...”

O, xeyli sayda suriyalı məcburi köçkünlərin Livan torpaqlarında yerləşdiklərinə işarə edərək, deyib: “Livanda yerləşən Suriya köçkünləri ilə bağlı məsələ ümumimilli bir məsələdir və bu iş yalnız Hizbullah Təşkilatının, yaxud hansısa bir təşkilata aid deyildir. Bu problem,...

Suriya fitnəsində ağır itkilərə məruz qalan işğalçı sionist israil rejiminin Hava , Quru və Dəniz qüvvələri, son günlər genişmiqyaslı hərbi təlimlər keçməyə başlayıb.

əl-Mənar Fələstin xəbər agentliyinin Təhlükəsizlik Qüvvələrə istinadla bildirdiyinə görə, təlimlər məhz işğal olunmuş Fələstin torpaqlarının şimal məntəqəsində, Livan sərhədləri yaxınlığında keçirilir.

Təhlükəsizlik Qüvvələrindəki məlumatlı şəxslər bildirirlər ki, işğalçı israil rejiminin hərbi təlimlərə başlaması, onun qabaqcadan elan olunmamış döyüşə hazırlaşması üçündür. Belə ki, bu səmtdə sionist rejimi öncədən Suriya və Livan sərhədləri boyu müxtəlif məntəqələrdə axtarış işləri aparmışdır.

Məlumata görə, Fələstin torpaqlarını işğal etmiş qeyriqanuni israil rejiminin hərbi hazırlıqlarının əsas hissəsini cühüdlərin qanunsuz saldıqları yəhudi şəhirciklərində Hizbullah Müqavimət Təşkilatı ilə döyüş aparılmasıdır.

Hərbi təlimlərin bu hissəsində nəzərə alınıb ki, sionist qüvələr Fələstin torpaqlarında qanunsuz saldıqları yəhudi şəhərciklərinin Hizbullah Müqavimət Təşkilatı tərəfindən azad etdikdən sonra, Hizbullahla müharibəni necə irəli aparsınlar.

Azərbaycan Respublikasının prezident İlham Əliyev NATO baş katibinin yeni təyin olunmuş müavini Sorin Dukarunu qəbul edib.

NATO baş katibinin yeni təyin olunmuş müavini Sorin Dukaru NATO-nun baş katibi Anders Foq Rasmussenin salamlarını ölkə başçısına çatdırıb.

Görüş zamanı NATO ilə Azərbaycan arasında tərəfdaşlıq əlaqələrinin artıq 20 illik tarixə malik olduğunu vurğulayan qonaq bu əlaqələrin inkişafının önəmini qeyd edib.

Sorin Dukaru bildirdi ki, ölkəmizə səfərinin əsas məqsədi NATO-nun “Sülh Naminə Tərəfdaşlıq” Proqramının 20 illik yubileyində və eləcə də “Sülh və Təhlükəsizlik naminə elm” proqramı üzrə keçiriləcək informasiya günlərində iştirak etməkdir.

İlham Əliyev NATO-nun Brüsseldəki mənzil- qərargahında keçirdiyi uğurlu görüşləri, aparılan müzakirələri məmnunluqla xatırladıb. Azərbaycanın NATO ilə əməkdaşlığının böyük tarixə malik olduğunu vurğulayan İlham Əliyev tərəfdaşlıq əlaqələrinin müxtəlif sahələrdə, xüsusi ilə enerji və Əfqanıstan ilə bağlı əməkdaşlıq sahəsində bundan sonra da davam etdiriləcəyinə ümidvar olduğunu bildirib.

Anders Foq Rasmussenin salamlarına görə minnətdarlığını bildirən İlham Əliyev, onun da salamlarını NATO-nun baş katibinə çatdırmağı xahiş edib.