QÜDS GÜNÜ" NİYƏ BİZİM GÜNÜMÜZDÜR
Hər il Ramazan ayının sonuncu cüməsi yəni, “Qüds günü” müsəlmanlar bir
yerə yığışaraq dünyanın müxtəlif yerlərində yaşayan digər müsəlman qardaş və
bacılarının dərdlərini, yaralarını və müsəlman olmaları səbəbindən onlara qarşı
edilən zülm və sitəmləri yada salıb xatırlayırlar, bu problemləri gündəmə gətirərək,
dünyada duyulmasına səbəb olurlar.
Hətta onların səsini eşitməmək üçün qulaqlarını bağlayıb, görməmək üçün
gözlərini yumaraq bu zülmlərin davam etməsinə şərait yaradan beynəlxalq təşkilatlar
səssizlik nümayiş etdirsələr də, bu səs hər il dünya ictimaiyyətinə eşitdirilir.
Bu gün təsis ediləndən bu yana ötmüş zaman və hadisələr onu sübut etdi
ki, “Qüds günü”nün hər il qeyd edilməsi çox önəmli və vacib bir məsələdir.
Hər il, hər ay, bəzən də hər gün dünyanın müxtəlif yerlərində müsəlmanlara
qarşı yeni qırğınlar, yeni qətliamlar, yeni terrorlar törədilir.
Vətənimiz olan Azərbaycanımızda da Qarabağımızın işğal altında olması və
dağıdılması, əsirlikdə olan qardaş və bacılarımıza verilən işgəncələr və
tez-tez atəşkəsin pozulması nəticəsində dinc həmvətənlilərimizin azyaşlı
uşaqlarımızın öldürülməsi bizlər üçün edilən həmin antimüsəlman zülmlərinin müəyyən
bir hissəsidir. Çox yerində və dəqiq bir ibarədir “Qüds və Qarabağ - doğma qərib
qardaşdır”.
Dünya artıq öyrənib və ya öyrədilib tez-tez xəbər eşidə ki, İraqda
partlayış oldu və 60 nəfər həlak oldu, 20 nəfər yaralandı.
Sanki vərdiş edilib deyilməsinə ki, İsrail rejiminin hərbi-hava qüvvələri
Qəzza zolağında fələstinlilərin yaşayış məntəqəsini bombalaması nəticəsində
xeyli sayda dinc sakin həlak olmuşdur. Adiləşib artıq deyilsin ki, bu gün
Əfqanıstanda NATO qüvvələrinin raket zərbəsi nəticəsində içərisində terroristlərin
olduğu güman edilən bir avtobus partladılıb, amma sonradan məlum olub ki, ölən
və yaralananlar sivil insanlardan və körpə uşaqlardan ibarət olub. Ən yaxşı
halda NATO rəhbərliyi üzrxahlıq edir və məsələ bitir.
Bu xəbərlər artıq dünyanın gündəmində sanki silsiləvi verilən soyuq xəbər
statusuna keçib. Minlərlə insanın, müsəlmanların öldürülməsinə dünyanı öyrəşdirmək
və bunu adiləşdirmək heç də asan məsələ deyil. Belə qansız sionist rejimi kimi
rejimlərin qurucuları buna ömürlərini sərf edirlər.
Son bir il ərzində yeni oyanışların baş verdiyi ərəb inqilabları
dalğasının əhatə etdiyi ölkələrdə inqilabların formatını dəyişərək, müsəlmanların
qətliyamı formasına sala bilmək - onların bacarığından kənar bir şey deyil. Fərdləri
diktator edib öz xalqlarına qarşı ölüm alətinə çevirir, lazım olanda özləri də prosesin
iştirakçısı olub, guya insan haqq və azadlıqlarını müdafiə edirlərmiş kimi qətliamın
gedişini sürətləndirirlər.
Bütün bu zülmlər davam etsə də, artıq dünya dəyişir, vicdanı oyaq
olanlar fenomeninə sözün əsl mənasında uyğun gələn nümunələr, vicdanlı
toplumlar Reyçel Korrilər, “Mavi Mərmərə”lər yetişdirir zaman. Məzlum kimi görsənməyə
çalışan rejimlər tədricən ifşa edilir. Dünya onları tanımağa əlaqələrinə diqqət
etməyə başlayıb. Odur ki, ümid bəsləməyimiz, səbrimiz zalımların hədəflərinin
puç olub ümidsizliyə düçar olmalarına səbəb olur artıq. Bütün bunlar bizim
Qarabağımız, Qüdsümüz, Kəşmirimiz, Yəmənimiz, İraqımız, Bəhreynimiz və digər
zülm altında inləyən torpaqlarımız üçün aktualdır. Gərək bilək ki, hər bir
irqin nümayəndəsi bizlərlə qardaş və bacıdır və dərdləri də bizim dərdimizdir.
Şükürlər olsun ki, bu dərdləri paylaşıb, onlara məlhəm ola biləcək “Qüds günü”
kimi bir dərmanımız var. Allah müsəlmanlara bütün bəşəriyyəti xilas edə biləcək
vəhdəti nəsib etsin.
israilə boykot
Kanadanın ən böyük Protestant Kilsəsi işğalçı İsrail
rejimində, xüsusi ilə bu rejimin qəsəbələrində istehsal olunan məhsulları
boykot etmək niyyətindədir.
İsrail rejiminin "Haartez" qəzeti yazır ki, Kanada
Kilsələr Şurası son iclasında İsrail rejimində istehsal olunan məhsulların
boykot edilməsi layihəsini təqdim edib. Uyğun proqram çərçivəsində İsrail
rejiminin qəsəbələrində, xüsusi ilə Qərb sahilində tikilmiş yaşayış məntəqələri
və Şərqi Qüdsdə istehsal olunan mallar Kanadanın ən böyük Protestant kilsəsi tərəfindən
boykot edilməlidir.
İsrail rejiminin istehsalı olan bir sıra məhsulların boykot
Qurum bu ilin yanvar ayında baş verən Qəzza müharibəsindən
dolayı İsrail rejiminin istehsalı olan bir sıra məhsulların boykot edilməsi barədə
qərar qəbul edib.
İngiltərə HİK-in qəbul etdiyi boykot qərarına görə, sionistlərin
nəzarətində olan bəzi rayonlarda istehsal edilən malların ölkəyə idxalı və təcavüzkar
dövlətlə olan silah ticarətinə son qoyulmalıdır. Qurumun qərarında bir sıra
sionist şirkətlərinə sərmayə qoyuluşunun dayandırılması da öz əksini tapıb.
HİK nümayəndələri məsələ ilə bağlı müsahibələrində fələstinlilərə
məxsus İsrail rejiminin zorla qəsb etdiyi ərazilərdə yetişdirilən kənd təsərrüfatı
məhsullarının boykot ediləcəyini bildiriblər. Nümayəndələr boykot ediləcək bəzi
məhsulların İordan çayının qərb sahilində yetişdirilən xurma və meyvə-tərəvəz
olduğunu qeyd ediblər. Məlumat üçün bildirək ki, İngiltərə HİK-in tərkibinə 6,5
milyon işçinin çalışdığı 58 həmkarlar ittifaqı daxildir.
İsrail rejimi məhsullarını boykot
İtaliya xalq hərəkatının üzvləri Fələstin xalqına dəstək və
sionist rejiminin Qəzzada törətdiyi cinayətlərə etiraz olaraq həmvətənlilərini
İsrail rejimi məhsullarını boykot etməyə çağırıblar.
Romada və digər iri şəhərlərdə italiyalı etirazçılar
supermarketlər və iri satış ərazilərinin qarşısına topalaşaraq insanları üzərində
“İsrail istehsalı” yazılmış firmaların məhsullarını, həmçinin İsrail rejimi ilə
sıx əlaqə saxlayan və ona maddi yardım göstərən ölkələrin istehsal etdiyi məhsulları
almamağa çağırıb.
İsrail rejiminin istehsalı olan məhsulların boykot edilməsi
kampaniyasını həyata keçirən məsullardan biri bildirib ki, etiraz günləri ərzində
xalq hərəkatının üzvləri sionistlərin Qəzzada törətdiyi cinayətləri əks etdirən
təsvirləri yayır və bununla yanaşı sionist istehsalı olan malların siyahısını
paylayıblar.
İNDONEZİYADA SİONİST VƏHŞİLİYİNƏ QARŞI ETİRAZ
Paytaxt Cakartada ən azı 20 min müsəlman sionist İsrailin Qəzzadakı
hərbi əməliyyatlarına etiraz bildirimək üçün dinc mitinqə başlayıb.
İndoneziyanın Ədalət və İnkişaf Partyiasının üzvləri əvvəlcə Cakartanın mərkəzinə
toplaşıb, sonra küçə boyu dinc yürüş keçiriblər. Nümayişçilər əllərində Fələstin
bayraqlarını və «Fələstini xilas edin», «sionist İsrail, əlini Fələstindən çək»
və «İsrail məhsullarını boykot» şüarları yazılmış plakatlar tutublar.
İndoneziya parlamentinin spikeri BMT-nin Təhlükəsizlik
Şurasını sionist İsrailin hərbi əməliyyatları dayandırmağı məcbur etməyə səsləyib.
İyirmi minlik izdihamın təşkilatçıları fələstinlilərə yardım
məqsədilə pul toplanmasını elan ediblər.
Bundan əvvəl analoji etiraz aksiyaları dünyanın digər ölkələrində
də keçirilib. Londonda 20 min insan sionist İsrailin səfirliyi qarşısında
etiraz aksiyası keçirmişdi. Yanvarın 9-da isə Osloda sionist İsrailin və Fələstin
tərəfdarları arasındakı qarşıdruma zamanı 6 nəfər yaralanmış, 31 iştirakçı isə
həbs olunmuşdu.
Kaydol:
Kayıtlar (Atom)
23 aprel logosı
23 aprel
