31 Mart 2013 Pazar
Hacı Mövsüm Səmədovun zindandan mesajı
Azərbaycan
İslam Partiyasının sədri Hacı Mövsüm Səmədovun yaxınları onunla görüşüb
TR-in İslamazeri portalına istinadən verdiyi xəbərə görə,
görüş zamanı mübariz ruhani Azərbaycandakı vəziyyətlə maraqlanıb və müsəlmanlara
öz salamını çatdırıb.
Hacı Mövsüm Səmədov Azərbaycandakı ictimai, siyasi, dini
mühitlə bağlı öz fikirlərini bildirib.
Hacı Mövsüm Səmədov deyib ki, Azərbaycan dindarları üçün din
uğrunda zindana düşmək qorxusu silinib. Artıq Azərbaycan möminləri şəhadət mədəniyyətini
öz ruhlarında tərbiyyələndirsinlər.
Son 10 ildə qeyri-döyüş şəraitində 471 əsgər ölüb
Ümumilikdə,
2003-2011-ci illərdə bu və digər səbəblərdən yaralanan və xəsarət alan hərbi
qulluqçuların sayı 571 nəfərdən çoxdur
“Doktrina” Jurnalistlərin Hərbi Araşdırmalar Mərkəzinin Azərbaycanda
KİV və EİV üzərində həyata keçirdiyi monitorinqin nəticələrinə görə,
2003-2012-ci illərdə Azərbaycan Silahlı Qüvvələri
ən azı 646 hərbi qulluqçusunu itirib. Onun 175 nəfəri döyüş (147 nəfəri erməni
gülləsi, 28 nəfər mina və sursat partlayışı), 471 nəfəri isə qeyri-döyüş (7 nəfər
əməliyyat tədbirləri, 90 nəfər intihar, 83 nəfər qəza, 125 nəfər qeyri-nizamnamə
hərəkətləri, 79 nəfər bədbəxt hadisələr, 30 nəfər müəmmalı və naməlum hadisələr,
57 nəfər müxtəlif xəstəliklər və s.) itkiləridir. Ümumilikdə, 2003-2011-ci illərdə
bu və digər səbəblərdən yaralanan və xəsarət alan hərbi qulluqçuların sayı 571
nəfərdən çoxdur.
2003-2012-ci illərdə Azərbaycanın təhlükəsizlik və müdafiə
sektorunda dünyasını dəyişənlərin təxminən 585 nəfəri Müdafiə Nazirliyinin , 31
nəfəri Dövlət Sərhəd Xidmətinin, 20 nəfəri Daxili Qoşunların, 2 nəfəri Ədliyyə
Nazirliyinin, 5 nəfəri Milli Təhlükəsizlik Nazirliyinin, 2 nəfəri Xüsusi Dövlət
Mühafizə Xidmətinin, 1- isə Səfərəbərlik və Hərbi Xidmətə Çağırış üzrə Dövlət
Xidmətinin hərbi qulluqçularıdır. Yaralanan və ya xəsarət alan hərbi
qulluqçuların təxminən 522 nəfəri Müdafiə Nazirliyinin, 27 nəfər Dövlət Sərhəd
Xidmətinin, 9 nəfəri Daxili Qoşunların, 4 nəfər Milli Təhlükəsizlik
Nazirliyinin, 2 nəfəri Ədliyyə Nazirliyinin, 2 nəfəri Xüsusi Dövlət Mühafizə
Xidmətinin, 2 nəfər Hərbi Prokurorluğun, 3 nəfərsə Fövqəladə Hallar
Nazirliyinin hərbi qulluqçularıdır.
Qeyd edək ki, itkilərlə bağlı rəqəmlər KİV və EİV üzərində
aparılan monitorinq nəticəsində ortaya çıxıb. Təxmin olunan rəqəmlərə görə,
1994-cü ilin may ayından - Azərbaycanla Ermənistan arasında atəşkəs müqaviləsinin
imzalanmasından bəri Azərbaycanın müdafiə və təhlükəsizlik sektorunun itkilərinin
ümumi sayı 3500 nəfərdən artıqdır.
Zabratda etiraz aksiyası
Zabrat, Kürdəxanı,
Məhəmmədi yolunda bu gün səhər saatlarından etibarən bir qrup sakin etiraz
aksiyası keçirib.
Sakinlərin verdiyi məlumata görə, etiraza səbəb adıçəkilən ərazidə
yüksək gərginlikli elektrik xəttinin çəkilməsidir.
Həmin ərazidə 20-yə yaxın ailə məskunlaşıb. Sakinlər evlərinin
sənədlərinin qanuni olduğunu bildirir. Bunun müqabilində həmin ərazidən başqa
yerə köçmələri üçün onlara pul ödənilməsini tələb edirlər. Amma aidiyyatı
qurumlar onlara evləri üçün pul verməyəcəklərini bildiriblər. Hazırda etiraz
mitinqi davam edir. Polis sakinləri ərazidən uzaqlaşdırmaq istəyir.
“New York Times” 10 MART aksiyasından yazdı
“Yüzlərlə gənc “Ali Baş Komandan, cavab ver bizə” deyib,
müdafiə nazirinin istefasını tələb edib”
Ötən bazar Bakıda əsgər ölümlərinə etiraz məqsədilə keçirilən
aksiya barədə Amerikanın dünyaca məşhur “The New York Times” qəzeti də yazıb. Qəzet
qeyd edir ki, Bakıda gənclərin keçirdiyi mitinqdə polis göz yaşardıcı qazdan və
rezin güllələrdən istifadə edib.
“Yüzlərlə gənc paytaxtın mərkəzində həlak olan əsgərlərə görə
ölkə başçısına xitabən “Ali Baş Komandan, cavab ver bizə” deyib, müdafiə
nazirinin istefasını tələb ediblər. 80 nəfərdən çox aksiyaçı zorakılığa məruz
qalaraq saxlanılıb. Lakin bir müddət sonra onların əksəriyyəti azad edilib”, -
deyə qəzet yazır.
Məqalədə bu ilin yanvarında əsgər Cehun Qubadovun orduda ölməsindən
bəhs olunur. Qeyd edilir ki, əsgərin anasına onun ürək çatışmazlığından öldüyü
deyilib, amma yayılan fotolarda onun bədənində ciddi zorakılıq əlamətləri
görünür.
Məqalədə həmçinin aksiya öncəsi NİDA vətəndaş hərəkatının 3 fəalının
həbs edildiyi haqda məlumat verilir. “Onlar qanunsuz olaraq narkotik vasitələri
əldə etmə, saxlama və ya satma kimi ittihamlarla həs olunublar”.
Hərəkatın üzvü Zaur Qurbanlı qəzetə bildirib ki, o da bazar
günü keçirilən aksiyada iştirak edib. Dostlarını televiziyalarda yayımlanan
“etiraflara” təzyiq vasitəsilə məcbur ediblər.
Azərbaycan aksiyaları dağıtmaq üçün xüsusi qurğuları ABŞ-dan alıb
Hakimiyyət nümayişçilərə qarşı LRAD tətbiq etməyə hazırdır
Bazar günü etiraz aksiyası zamanı hakimiyyət nümayişçilərin
dağıdılması üçün “səs/akustik top” kimi də tanınan uzaq məsafədən təsir göstərən
akustik qurğu (LRAD “Long Range Acoustic Device”) tətbiq etməyə hazır idi.
Bu qurğular bazar günü ən az dörd yerdə, o cümlədən hakim
Yeni Azərbaycan Partiyasının qərargah-mənzilində görünüb.
“Vikipediya”dakı məlumata görə, LRAD 2000-ci ildə American
Technology Corporation tərəfindən terrorçulardan, piratlardan, hərbi nümayişçilərdən
müdafiə üçün hazırlanıb. İnsanlara təsir üçün 150 desibel gücündə səsdən
istifadə olunur.
Müqayisə üçün reaktiv təyyarənin mühərrikinin səsi təxminən
120 desibel təşkil edir, 130 desibel isə insanın eşitmə aparatını zədələyə bilər.
Ekspertlər iddia edirlər ki, bu sistemlər daxili orqanların
ağır xəsarət almasına səbəb ola bilər.
2007-ci ildə Gürcüstanda hökumət əleyhinə nümayişçilərin
dağıdılması zamanı akustik toplardan istifadə olunub. Nəticədə 508 nəfər tibbi
yardım üçün müraciət etmək məcburiyyətində qalıb. Zərərçəkənlərdə zəhərli maddələr
üçün səciyyəvi olan simptomlar qeydə alınıb: şüurun pozulması, panika, yaddaşın
itirilməsi.
Maraqlıdır ki, Amerika QHT-lərini inqilabi siyasi
texnologiyalar ixrac etməkdə imtina edən Azərbaycan hakimiyyəti özü Qərbdən cəza
vasitələri alır.
Martın 10-da Bakıda “Əsgər ölümlərinə son!” tələbi ilə
keçirilən etiraz aksiyası zamanı hakimiyyət nümayişçilərin dağıdılması üçün küçəyə
uzaq məsafədən təsir göstərən akustik qurğu (LRAD “Long Range Acoustic Device”)
çıxarıb. Xəbərdə bildirilir ki, bu qurğular martın 10-da ən azı dörd yerdə, o
cümlədən hakim Yeni Azərbaycan Partiyasının qərargahı qarşısında görünüb. “Yeni
Müsavat”ın aksiyanı izləmiş reportyor qrupu da silahın həmçinin “McDonalds”
restoranının qarşısında, “Zümrüd” restoranının yaxınlığında və Mərkəzi
Universal Mağazanın qarşısında yerləşdirildiyini müşahidə ediblər.
Kaydol:
Kayıtlar (Atom)
23 aprel logosı
23 aprel
