9 Eylül 2014 Salı
Xocalı soyqırımı rəsmən tanındı
Sudan Respublikasının parlamenti Xocalı soyqırımının tanınması haqqında qərar qəbul edib.
AzVision.az-ın trend-ə istinadən
verdiyi məlumata görə, bu barədə bazar ertəsi jurnalistlərə XİN-in şöbə
rəisi Hikmət Hacıyev bildirib.
O deyib ki, Sudan parlamenti öz
qərarı ilə Xocalı soyqırımını tanıyıb: “Bu sənəddə Xocalı soyqırımı
bəşəriyyətə qarşı cinayət kimi qiymətləndirilib”.
H.Hacıyev bildirib ki, Sudan
parlamentinin qərarında, həmçinin BMT Baş Assambleyasının və İslam
Əməkdaşlıq Təşkilatının Azərbaycan ərazilərinin işğalına son qoyulmasına
dair qətnamələrinin həyata keçirilməsinin vacibliyi qeyd olunub: “Qərar
Sudan parlamentinin Xarici əlaqələr komitəsi tərəfindən qəbul edilib və
bu sənəd hüquqi qüvvəyə malikdir”.
O qeyd edib ki, sənəddə Ermənistanın Azərbaycana qarşı təcavüzü pislənilib.
1992-ci il fevralın 25-dən 26-na
keçən gecə erməni işğalçı birləşmələri Xankəndidə yerləşən (o zaman
Stepanakert adlanıb) sovet qoşunlarının 366-cı motoatıcı alayı ilə birgə
hər tərəfdən mühasirəyə alınmış Xocalı şəhərini bütün növ artilleriya
sistemindən atəşə tutublar, sonra isə Dağlıq Qarabağda Xankəndinin 23
km.-də yerləşən bu şəhəri işğal ediblər.
Erməni silahlı birləşmələrinin
hücumları nəticəsində 613 adam vəhşicəsinə qətlə yetirilib, 1275 nəfər
əsir götürülüb və onların taleyi indiyədək məlum deyil. Səkkiz ailə
tamamilə məhv edilib. Qətlə yetirilənlər arasında 106 qadın, 83 uşaq, 70
qoca olub. 25 uşaq hər iki valideynini, 130 uşaq bir valideynini
itirib.
Qarabağ əlilləri fəryad edir
«Bizi insan yerinə qoyan yoxdur; məmurlar bizə qənim kəsilib»
Bir qrup Qarabağ müharibəsi
əlili dövlət başçısı Ilham Əliyevə ünvanladığı müraciətin surətini
“Azadlıq”a da göndərib. Müraciəti Loğman Paşayev, Məhərrəm Əliyev, Yaşar
Həziyev və daha 27 nəfər imzalayıb. Problemlərinin həllinə nail olmaq
üçün bir daha “Azadlıq” vasitəsilə dövlət başçısından yardım istəyən
Qarabağ qaziləri müraciətdə yazır:
“Qarabağ Əlilləri Cəmiyyətinin
Suraxanı rayon şöbəsinə təsərrüfat fəaliyyətilə məşğul olmaq üçün Bakı
Şəhər Icra Hakimiyyəti tərəfindən torpaq sahəsi ayrılıb. 2001-ci ildə
Qarabağ Əlilləri Cəmiyyəti fəaliyyətini dayandırandan sonra onun hüquqi
varisi kimi, ”Qarabağ Müharibəsi Əlilləri, Veteranları və Şəhid
Ailələri” Ictimai Birliyi yaradıldı. Bu birlik orada təsərrüfat işi
apara bilməyib və Suraxanı rayonu, Hövsan qəsəbəsinin şimal-qərbində
3,839 hektar torpaq sahəsinə Daşınmaz Əmlakın Dövlət Reyestri
Xidmətindən çıxarış alınıb. Sonra isə cəmiyyət üzvləri arasında bölünüb.
Qərara alınıb ki, orada Qarabağ müharibəsi əlilləri kiçik də olsa,
özlərinə ev tiksin.
Təəssüf ki, Suraxanı icra
hakimiyyəti və Bakı Şəhər Icra Hakimiyyəti bu işə imkan vermədi.
Tikdiyimiz tikintiləri dəfələrlə Suraxanı rayonunun icra orqanları
söküb. Baxmayaraq ki, rayonda kifayət qədər qanunsuz tikintilər var.
Torpaqlarımızın ərazi bütövlüyü uğrunda əllərini, ayaqlarını itirən,
əlil arabasında ömür keçirən, son dərəcə ağır vəziyyətdə olan insanlara
tikinti aparmağa imkan verilmir. Bizi insan yerinə qoyan yoxdur. Bu
məmurlar bizə qənim kəsilib. Biz 5 mart 2014-cü ildə Qarabağ Qaziləri və
Vətən Müharibəsi ictimai birliklərinin rəhbərlərilə birgə Bakı Şəhər
Icra Hakimiyyətinin başçısı Hacıbala Abutalıbovla görüşdük. O, bizim
yanımızda Suraxanı icra başçısıyla telefon əlaqəsi yaratdı və ona
müvafiq tapşırıq verdi. Lakin o vaxtdan indiyədək yollarda qalmışıq.
Bizi düşmən gülləsi sındıra bilmədi, lakin bəzi məmurlar bizi
aşağılamaqla mənəvi əziyyət verirlər. Məcburuq ki, özümüzə qəsd edək.
Bizim səsimizi eşidin, kömək edin”.
Kaydol:
Kayıtlar (Atom)
