Bakının Fəvvarələr Meydanında "Parlament buraxılsın" tələbi ilə bir qrup müxalifətçi aksiya keçirib. Aksiya başlamazdan öncə Fəvvarələr Meydanına gedən bütün yollar polislər tərəfindən nəzarətə götürülüb. Eyni halda əraziyə çevik polis alayının xüsusi qoşunları yeridilib. Aksiya iştirakçıları “Parlament buraxılsın”, “Azadlıq” , “Saxta parlament rədd olsun” şüarları səsləndiriblər. Aksiya zamanı 30-a yaxın aksiya iştirakçısı həbs edilib. Həbs edilənlər arasında müxalifətçi xanımlarda olub. Polisin qadınlara qarşı zor tətbiq etməsi nəticəsində bir neçə qadın huşunu itirib. Buna baxmayaraq huşunu itirən xanımlar polis tərəfindən həbs ediliblər.
