Müxbirimizin verdiyi məlumata görə, vəkillərin çıxışından sonra dövlət ittihamçısı məhkəməyə kassasiya şikayətinin təmin olunmaması barədə çıxış edib və məhkəmənin yekun qərarı fevralın 21-də saat 14.30-a qədər təxirə salınmışdır.

Qeyd edək ki, 2011-ci il oktyabrın 7-də Bakı Ağır Cinayətlər Məhkəməsi Mövsüm Səmədova 12 il iş kəsib. Mayın 17-də Bakı Apellyasiya Məhkəməsi qərarı qüvvədə saxlayıb. Partiya lideri hakimiyyəti zorla ələ keçirmə və başqa cinayətlərdə təqsirli bilinib.

Mövsüm Səmədovla birgə həbs edilən digər dindarlar da şərlənərək Cinayət Məcəlləsinin 28, 214.2.1-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən cinayətə hazırlıq), 28, 214.2.3-cü (odlu silahdan və silah qismində istifadə olunan predmetlərdən istifadə etməklə cinayətə hazırlıq), 228.3-cü (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə), 278-ci (hakimiyyəti zorla ələ keçirmə və ya onu zorla saxlama) maddələri ilə ittiham olunurlar.

Azərbyacan Respublikasının nazirləri və onların ailələri hökumətin  2 milyard avroya yaxın vəsait xərclədiyi Şahdağ Qış-Yay Turizm Kompleksində əylənirlər.

Dəniz səviyyəsindən 1300-2300 metr yüksəklikdə yerləşən Şahdağ Qış-Yay Turizm Kompleksində əylənərkən idman və gənclər naziri Azad Rəhimov Yeni Musavat qəzetinin müxbirinin foto-aparatında qaça bilməyib.

Qəzetin müxbiri yazır : “Kompleksdə bizim isə diqqətimizi kurort zonasında idman və gənclər naziri Azad Rəhimov çəkdi. Nazir kafedə oturub dincəlirdi. O da xizək sürməkdən gəlmişdi. Onunla birlikdə yaxınları oturmuşdular. Biz həmin şəxslərin nazirin ailəsi olduğunu güman edib jurnalist kimi yaxınlaşmağı, onu narahat etməyi etik saymadıq. Nazirin şəkillərini çəkdik”!!

 Zaqatala rayonunun Mamrıx kəndinin qadınlarından ibarət bir qrup icra hakimi Mübariz Əhmədzadənin əməlləri ilə bağlı etirazlarını bildirmək üçün Azərbaycan Prezident Administrasiyasına yürüş edəcəklərini bildirir.

Qadınlar icra hakimiyyəti başçısının fevralın 17-də kəndə gəldiyi zaman davranışını özləri üçün təhqiredici hesab ediblər. Həmin gün Əhmədzadənin kartejini görən 20-yə yaxın qadın ötən ilki zəlzələnin nəticələrinin aradan qaldırılması üzrə işlərin gedişatı ilə bağlı iradlarını bildirmək üçün yolu kəsiblər.

Qadınların bu hərəkəti icra hakimiyyəti başçısını özündən çıxarıb, o, sakinləri təhqir edərək yolu açmağı tələb edib. Keçirdikləri əsəb şokundan iki qadın – M.Əliyeva və Gülər Bayramova xəstəlik tapıb.

Bu barədə azadliqnews.tv saytına məlumat verən Mamrıx kənd sakini Fatimə Əfəndiyeva deyib ki, mayda baş vermiş zəlzələsindən sonra kənddə bir çox evlər yararsız hala düşüb, lakin bərpa işləri zəif gedir və heç kim şikayətlərə cavab vermir.

Zəlzələ zamanı yaşadığı mənəvi travma nəticəsində Əfəndiyevanın oğlu Mərkəzi Tibbi Yardım Xəstəxanasında müalicə alıb. Onun evi yararsız hala düşüb, lakin FHN evin yaşayış üçün yararlı olduğunu bildirir.

Mənbənin verdiyi məlumata görə, maşında Əhmədzadə ilə yanaşı, fövqəladə hallar nazirinin müavini Orucəli Hacıyev də var idi və o, qadınların etirazına heç bir reaksiya verməyib.

Bir gün əvvəl “Kür” vətəndaş cəmiyyəti qərargahının monitorinq qrupu Zaqatala rayonunda olub. Yerli icra hakimiyyəti rəhbərliyinə və FHN-ə zəlzələnin nəticələrinin aradan qaldırılması üzrə işlərin birgə monitorinqini həyata keçirmək təklif olunub, lakin bu təşəbbüs dəstəklənməyib.

Cavanşir küçəsi 38-də Z.Tağıyev adına yataqxanda yaşayanların mənzil maxinasiyası ilə üzləşmələri barəsində yazmışdıq. Onlar keçən həftə binlarının qarşısında “Qara bayraq” aksiyası keçirmişdilər. 

Dünən hüququ pozulan 80 ailənin hüquqlarını müdafiə edən Ələkbər Məmmədov “Bizim Yol”a bildirdi ki, keçilən aksiyaya reaksiya olub: “Aldadılmış vətəndaşların keçirdiyi etiraz aksiyasının mətbutda işıqlandırılmasının təsiri olub. Xətai rayon İcra Hakimiyyətinin əməkdaşları sakinlərlə görüşüb, onların tələblərini dinləyiblər. Qurumun əməkdaşları problemin həll olunacağına vəd veriblər. Məndə olan məlumata görə, icra hakimiyyətinə göstəriş Nazirlər Kabinetindən olub. Biz hələ ki, verilən vədin gerçəkləşməsini gözləməkdəyik. Əgər görsək ki, hökumət vaxt qazanmaq istəyir, yenidən etiraz aksiyalarına başlayacağıq”.

Qeyd edək ki, Hacı Zeynalabdin Tağıyev kombinatına məxsus 5 mərtəbəli yataqxanada məskunlaşmış 160 ailədən 80-ə 2012-ci ilin mayında mənzil verilib, qalan 80 ailəyə və əlavə olaraq 12 qaçqın ailəsinə isə mənzil verilməyib. Yataqxanadakı ailələrə verilən mənzillər 40-45 kv.metr, satdıq mənzillər isə 60 kv.metr olub. Mənzil ala bilməyən qalan 80 ailənin nümayəndələri müraciət etdikdə onlara mənzillərin artıq satıldığı deyilib.

Türkiyə prezidenti Abdullah Gül Serj Sarkisyana təbrik ünvanlayıb. “Anadolu” agentliyinin verdiyi məlumata görə, Türkiyənin dövlət başçısı Serj Sarkisyanı yenidən Ermənistan prezident seçilməsi münasibətilə təbrik edib.

Hazırda Fransada olan ABU-nun sabiq rektoru Elşad Abdullayev 20 fevral, axşam saatlarında yeni video paylaşacağı ilə bağlı anons verib. Bu barədə müxbirimizi E.Abdullayevlə bağlı araşdırma aparan Elnur Məcidli məlumatlandırıb. E.Məcidli deyib ki, videonun 90 faizi artıq yüklənsə də, tam yüklənmə gecə saatlarında yekunlaşacaq. Biz də qəzet çapa gedən saatlarda yayımlanacaq videonun tərkibi ilə bağlı oxucuları məlumatlandırmaq istədik. Videogörüntüləri isə, hər hansı bir əskiklik olmasa, musavat.com saytına yerləşdirəcəyik.

E.Məcidli videonun ümumi tərkibi ilə bağlı məlumat verərək, onun bütün hissələriylə yayımlanacağını vurğuladı. Müsahibimiz video görüntülərin 09.Xl.2004-cü il tarixində qeydə alındığını dedi. Onun deməsinə görə, videonun əsas qəhrəmanı DİN polkovniki Rasim İldrımzadədir.

E.Məcidlidən yazılı gələn aşağıdakı mətdə vurğulanır ki, DİN-in polkovniki Rasim İldrımzadənin cinayət xarakterli əməlləri aşagıdakılarla xarakterizə olunur :

1. Rasim İldırımzadə Azərbaycanda adam oğurluğu ilə məşğul olan mütəşəkkil cinayətkar təşkilat - "ölüm eskadronu " tərəfindən oğurlanmış Milli Təhlükəsizlik Nazirliyinin zabiti Mahir Abdullayevin geri qaytarılması ücün qardaşı huquq professoru Elşad Abdullayevədən 1 milyon ABŞ dolları tələb etmişdir ;

2. Rasim İldrımzadə zərərcəkmiş Elşad Abdullayevlə BDU-nun huquq fakültəsində birgə oxuduqları dövrü və müəllimləri xatırlayırlar:

3. Rasim İldrımzadə “Mahiri məndən başqa hec kim gətirə bilməz, Siz mənə qarant durmalısınız “-deyir;

4. Rasim İldrımzadə qeyd edir ki, Mahirin “yerini bilirəm, o, sag-salamatdır, gözümlə görmüşəm”;

5. Rasim İldrımzadə Elşad Abdullayevi inandırmağa çalışır ki, Mahiri 3-5 günə şəxsən gətirib təhvil verəcəm Sizə ;

6. “Mahir hazırda Azərbaycanın sərhəddindədir”;

7. “Mahiri siravi oğrular oğurlamayıbdır, hökumətin icindəki banditlər oğurlayıbdır”;

8. “Mahirə görə kim sənin yanına gəlsə qov getsin, hətta mənim adımdan da gəlib desələr belə, yaxınına buraxma”; 

9. “Mahir sağdır gəlib nə olubsa hər şeyi sənə danışacaq , sənilə telefonla danışmağa qoymurlar”;

10. “Elsad muəllim Mahiri məndən alarasan, bu gündən Mahirə mənəm cavabdeh” .

Video internetə  yüklənən kimi biz də oxucularımızı onunla bağlı daha geniş məlumatlandırmağa çalışacağıq.

Xırdalan şəhər H.Zərdabi küçəsi məhəllə 26-nın sakinləri özləri demişkən az qala hər ailəyə bir qayıq almalı olacaqlar

Bənzər vəziyyət qonşu küçələrdə də yaşanırdı. Yəni hərə bir rezin çəkmədə, ya da gedəcəyi yer üçün şəxsi avtomobilində bu suları yara-yara addımlayırdı. 26-ci məhəllə sakinlərinin dərdini Azərsu ASC-nin ictimaiyyətlə əlaqələr departamentinin rəisi Anar Cəbrayıllı ilə bölüşdük. Departament rəisi bildirdi ki, sözügedən ünvandakı vəziyyətdən xəbərdardılar. Mövcud vəziyyətə səbəbsə ərazidəki xətlərin köhnə olması, üstəlik ətrafda tikilən göydələnlərin ümumi kanalizasiya xəttinə qoşulmasıdır. Buna görə də suyu çəkməyə nasosların gücü çatmır. A.C. bildirdi ki, bütün bu problemlər nəzərə alındığından hələ ötən ilin sonlarından Xırdalanda çirkab sularının qarşısının alınması üçün layihə hazırlanıb. Hazırda icrası həyata keçirilən layihəyə əsasən adıçəkilən ərazilərdəki kanalizasiya suları əvvələr Hövsana axıdılırdısa, indi Lökbatan qəsəbəsində tikiləcək təmizləyici qurğuya istiqamətlənəcək. 7 km uzunluğunda olan tunel tipli kanalizasiya xətti həm Masazır, həm də Xırdalan şəhər ərazisindəki çirkab sularını aradan qaldıracaq. Layihənin tam başa çatacağı tarix 2014-cü ildir.