""Ziyalılar Forumu"nun (ZF) "El" hərəkatı ilə  əlaqəsi yoxdur". Bu açıqlamanı Ziyalılar Forumunun üzvlərindən tanınmış alim-ziyalı Rafiq Əliyev verib. Forumla qurulmaqda olan hərəkatı eyniləşdirənlərə R.Əliyevin mesajı belə olub: "Şəxsən mən Rafiq Əliyevlə "El" hərəkatının heç bir əlaqəsi yoxdur. Bir qrup insanlar ki, hərəkat yaratmaq istəyirlər, bu insanların kimlikləri də mətbuatda açıqlanıb. Mənim bu insanlara bu mənada heç bir aidiyyətimi yoxdur, bu hərəkatda da iştirak etmirəm. Ancaq Ziyalılar Forumu təqdir edib ki, belə bir hərəkat yaranarsa, yaxşı olar. Onu biz qurmuruq. Mən əvvəllər də demişəm, bu, Ziyalılar Forumunun layihəsi deyil və şəxsən mən Rafiq Əliyev də bu layihədə təmsil olunmuram".

"Biz ilk gündən demişik ki, Ziyalılar Forumu siyasi təşkilat deyil. Ümumiyyətlə təşkilat da deyil, klub kimi bir şeydir. Yığışırlar sənət adamları, ziyalılar, ədiblər sözlərini deyirlər. Birinci gündən də, inidi də deyirik ki, siyasətlə məşğul olmuruq və heç bir siyasi iddiamız da yoxdur. Amma hərəkat və ya partiya yaranarkən onların siyasi iddiası olur. Bu baxımdan mən və mənim dostlarım bu hərəkatda yoxuq", - sonda R.Əliyev vurğulayıb.

İsmayıllı üsyanı ilə bağlı yeni təqib dalğası başlayıb. Əhalının sözlərinə görə, yanvarın 25-də İsmayıllı şəhərində keçirilən aksiyada iştirak edənlər polisə çağırılır. Yanvarın 25-inə keçən gecə baş verən hadisələrin iştirakçılarının ardınca bu dəfə səhəri günkü aksiyanın iştirakçılarının da dindirilmə adı ilə İsmayıllı rayon Polis Şöbəsinə çağırılmasına başlanılıb. Aksiyanın videogörüntülərinin incələnməsindən sonra görüntülərdəki adamlar sahə müvəkillərinin vasitəsilə istintaqa cəlb edilir. Polisə getməkdən imtina edənlərin zorla aparılması barədə göstəriş var. Sahə müvəkkillərindən biri etiraf edib ki, onlara xüsusi siyahılar verilib və adı siyahıda olanların gətirilməsi tələb edilir. İlkin məlumatlara görə, saxlanılanları İsmayıllı Rayon Polis Şöbəsinin rəis müavini Şöhrət Kərimov dindirilir.

Bu videoda çoxlu sözlər deyilib və aşkarlama var.