müsəlmansınız ki, həm xalqa, həm ölkə başçısına, həm də Allah Təalaya hesabat verməlisiniz. Yəni hər bir insan və müsəlman kimi görəsən bu vəzifənizi yerinə yetirirsinizmi? Hansı ki, Ölkə başçısı həmişə çıxışlarında, son prezident seçkilərindən sonra da açıqça Xalqa və Sizlərə bildirdi ki, “mən xalqıma xidmətdən ötrü bu kresloda oturmuş və bu vəzifəni icra edirəm, ey Nazirlər, məmur və icraçılar, sizlər də bunun üçün, yəni xalqa xidmət etmək üçün vəzifə tutursunuz!..”

Hörmətli Nazir!

Lakin mən bunu Sizin rəhbərlik etdiyiniz nə Məhkəmələrdə, nə də Tərcidxanalarda, nə Penitensiar Xidmətdə, nə də Tibb Baş idarə nəzdində görmürəm.

İnsafsızlıq olar ki, bəzi müsbətə doğru dəyişikləri qulaq ardına vuram, belə ki, zahiri təmizlik məhbus yataqxanalarının Avrostandartlara uyğunlaşdırılması, şikayət və ərizələrin qəbulu, zəif də olsa bu proses getməkdədir.

Hörmətli Nazir!

Cinayət Prosessual Məcəllə Penitensiar Xidmətin Cəza çəkmə müəssisələrində demək olar ki, işləmir. Məhkum ciddi rejimdə olmaqla 12 il iş alıb, onun dörtdə üçünü çəkib demək olar ki, bir cəzası, borcu, töhməti yox. Lakin məhkəməyə çıxarılmır. Ən yaxşı halda məhkəmə və prokurora “yarımaqla” ya son iki ilini xırdalamalı, yox bığ yağlanmasa son bir ilini xırdalamalı (yenə də pulla) və azadlığa çıxmalıdır.

Gözümün qabağında Çingiz Qəniyevin (Deputat) rəhbərliyi ilə komissiya gəlib 15 saylı cəza çəkmə müəssisəsinə. 12 nəfəri komissiyaya təqdim edirlər kim pul verməyib xarakteristika rol oynamır. Bircə bəhanə bəsdir: “istehsalat sahəsində çalışırmı?” yox cavabı hər şeyi həll edir. Komissiyadan keçmədi. Sual edirəm, bu istehsalat sahəsi nə boydadır ki, 1000-1200 məhkum orada çalışsın? Bizim 15 saylı cəza çəkmə müəssisəsində cəmi 50-60 nəfərin çalışması üçün iş yeri var.

Məhkum ağır xəstəliklə Mərkəzi Müalicə Müəssisəsinə köçürülür. Və bu xəstə məhkumun bundan belə cəzaçəkmə halı yox dərəcəsindədir. Düzdür hər bir məxluqun xaliqi tərəfindən ruhu çıxarılır. Lakin həkim komissiya var və onlar bu məhkum xəstənin ölümə məhkumluğunu görür, ya susur, ya da özündən yuxarıda olanlara faktı təqdim edirlər.Lakin azadlığa buraxılması müəmmalı uzadılır. Əksər hallarda isə canını tapşırıb ailəsi ilə qovuşur. Düzdür belə halda yəni “pul ver səni buraxdıraq” yox dərəcəsindədir. Heç kəsdən pul tələb olunmur ki, bəhanə etsinlər. Lakin özümün infarkt keçirtdiyim may ayından iyulun əvvəlinə kimi, təkcə daxili xəstəliklər şöbəsindən səkkiz məhkum öləndən sonra azadlığa çıxdı. Görəsən bu və ya bu kimi digər hallar, dərman çatışmamazlığı, penitensiar işçi çatışmamazlığı həkim mütəxxəssis azlığı, bəzi müasir avadanlıqların passivliyi, büdcədən az pul ayrılması, budurmu Ölkə başçısının əmrinə tabe olmaq, budurmu Allah Təalaya xidmət etmək.

Hörmətli Fikrət Məmmədov

Mənim 60 yaşım var.Və həyatda, əvvəl uşaq olanda məktəb yoldaşlarıma, bacı qardaşlarıma xidmət etməklə, ustadlarıma hörmət əsas amalım olub. Sonradan Elimə, millətimə, xalqıma yarımağa çalışmışam. Və müstəqillik üçün etdiklərim bir tarix və dosye kimi tarixə həkk olunub. Və heç vaxt heç kəsdən qarşılığın istəməmiş heç gözləməmişəmdə. Lakin yerdə, xalqım millətim ( düzdür qədirbilən hissəsinin yaxşı ki, əksərin) yuxarıda isə Allahu Təalam məni qiymətləndirib. Məni sayılıb seçilmişlərdən qərar verib. Bilirəm ki, Malik Əşdər, Salman Farsi, Abuzər və digər səhabələr kimi Peyğəmbəri İslama (s.ə.v.s)-ə, Əli (ə.s)-a qulluq edənlərdən olmasam da, hal hazırki Allah Təalanın İslam karifeylərinin rəhbəri Seyid Əli Xamenei ağaya, Sistani, Şirazi, Şəbustəri, üləma, ayətullahlara, Azərbaycanımızın mərd igid İslam rəhbəri doktor Hacı Mövsüm, Fəramiz ağa, Hacı Abgül, Hacı Tale və eləcə də rəhmətlik hicab şəhidi Hacı Vaqif Abdullayevə sirdaş, qardaş və qulluq göstərən ola bilmişəm. Ən əsası isə məni boya başa çatdıran valideynlərimin ruhu qarşısında pak, övladlarımı isə danlaqda xəcalətdə qoymamışam.

Cənab Nazir!

Sən də mən də bir arşın ağa qoyulacağıq və əvvəlki gecəmiz qəbr evində şəxsi, fərdi qiyamətimiz, hesab gecəmiz olacaq. Gəlin o günə hazırlaşaq.

Bu əhali ki, Azərbaycanda yaşayır, hamımızın qohum qardaşıdır, ana bacısıdır. Siz də mən də bir birimizə qohum qardaşıq. Nə mən nə də sən istəmərik ki, əbədi həyatımız cəhənnəm əzabı olsun. Peyğəmbər və Əhli beytinin (s.ə.v.s) qarşısında xəcalət təri tökək. İnşaAllah. Vəssəlam"