Misir höküməti sələfiyönlü Müsəlman Qardaşları partiyasına divan tutur. Belə ki, Misirdə keçirilən məhkəmə prossesi zamanı hakim “Müsəlman Qardaşları” partiyasının mənəvi rəhbəri Muhəmməd Bədi başda olmaqla 683 sələfiyə edam hökmü oxuyub.

əl-Mənya əyalətinin məhkəməsi ötən il mart ayında Müsəlman Qardaşları partiyasının 529 üzvünü əl-Mənya polis idarəsinə silahlı basqın edərək, bir polis zaitini qətlə yetirməkdə günahkar bilər və ilkin qərara əsasən məhkəmə onlara ölüm hökmü verib.

Məlumata görə, bu gün keçirilən Məhkəmə prossesi zamanı Muhəmməd Bədi olmaqla 37 nəfərin edam hökmü öz qüvvəsində qalıb. Qalan 492 nəfərin ölüm hökmü isə azadlıqdan əbədi məhrum edilməklə əvəz edilib.

Qeyd edək ki, məhkəmə zalında iştirak edən İnsan Haqqları təşkilatının nümayəndəsi bildirib ki, 683 nəfərin məhkəmə prossesi cəmi bir neçə saat çəkib. Hakim müttəhimlərə və onların vəkillərinə ittihamlar qarşısında özlərindən müdafiə etmək üçün vaxt verməyib.

Məhkəmə həyətində toplaşan müttəhimlərin ailə üzvləri və yaxınları xəbəri eşitdikdə şoka düşmüş və bir neçəsinin ürəyi gedərək huşların itirmişlər.