Aprelin 4-ü axşam saatlarında AI-95 markalı benzin bahalaşdırılıb. Səhər saatlarına qədər 80 qəpikdən satılan AI- 95-in Tarif Şurasının qərarı olmadan qəfil 93 qəpiyə qədər bahalaşdırılıb.

Şəhərin yanacaqdoldurma məntəqələrindəki vəziyyətlə bağlı yeni məlumatlar gəlməkdə davam edir. Oxucuların verdiyi məlumata görə, bəzi yanacaqdoldurma məntəqələrində qiyməti 0,70 manat olan Aİ 92 markalı benzin satılmır. Amma əksər yanacaqdoldurma məntəqələrində bu markalı benzin hələ də var.

Son məlumata görə, Aİ 92 markalı benzini də Aİ 95 markalı benzinin aqibəti gözləyir. Belə ki, anbarlarda bu markalı benzin bitdikdən sonra yeni adda və qiyməttə Aİ 92 benzini əhaliyə təqdim olunacaq. Adı yeni, özü isə köhnə olan benzinin yeni qiymətinin necə olacağı hələlik məlum deyil.

Əməkdaşlarımız Bakının yanacaqdoldurma məntəqələrində müşahidələri davam etdirilər.