10 Ekim 2013 Perşembe
“Demokratik seçkilər keçirilsəydi belə İlham Əliyev qalib gələcəkdi”
Sərdar Cəlaloğlu: “Baş verə biləcək saxtakarlıqları Qərbin və ABŞ-ın seçkidən öncəki Azərbaycanla bağlı mövqeyini nəzərə alanda məlum olurdu ki, bu seçkilərdə İlham Əliyev mütləq qalib gələcək”
“Bu dəfəki seçkilər əvvəlki seçkilərdən
heç nə ilə fərqlənmədi. Əvvəlki illərdə olduğu kimi yenə də kütləvi
saxtalaşdırma halları seçki keçirildi. İlham Əliyevin seçkidə qalib
gələcəyi şəksiz idi. Lakin seçkinin nəticələri konnektiuraya məruz
qaldı. Belə ki, səs faizləri şişirdilməklə yanaşı namizədlərin
yerlərinin seçilməsi iqtidarın maraqlarına uyğun həyata keçirildi.” Bu
sözləri FaktXeber.com-a prezidentliyə namizədliyini irəli sürmüş ADP
sədri Sərdar Cəlaloğlu dünən keçirilən seçkilərin nəticələrinin
şəffaflığına dair açıqlama verərkən qeyd edib.”
“Demokratik seçki keçiriləcəyi halda
sizcə hansı namizəd qalib gələ bilərdi”, - sualını da cavablandıran
Sərdar bəy, hesab edirəm ki, bu şəxs İlham Əliyev olacaqdı: “Ona görə
ki, müxalifət seçkilərə vahid namizədlə getməməklə yanaşı yalnız siyasi
xətt tutdu. Belə ki, Milli Şuraya ziddiyyətli qüvvələr cəlb edildi.
Nəticədə isə zaman müxalifətin ziyanına işlədi. Eyni halda həm resurs,
həm də ki, maliyyə baxımından İlham Əliyev digər namizədlərdən olduqca
üstün idi. Ümumilikdə isə seçkinin nəticələrinə uyğun elan edilən
rəqəmlər həddən artıq şişirdilib. İlk öncə seçkiyə heç o qədər adam
gəlməmişdi və seçki prosesləri hiylə ilə baş tutdu. Həmçinin
hakimiyyətin nəzarətində olan polislər, əsgərlər, məhbusları və digər
qurumların işçiləri seçkilərə cəlb olunaraq İlham Əliyevə dəstək verməyə
məcbur edildi. Bütün bunları və Qərbin seçkidən öncəki Azərbaycanla
bağlı mövqeyini nəzərə alanda məlum olurdu ki, bu seçkilərdə İlham
Əliyev mütləq qalib gələcəkdi.”
Kaydol:
Kayıt Yorumları (Atom)
0 comments:
Yorum Gönder