23 Aprel hərəkatı: Cəmil Həsənlinin Seçki Qərargahı seçki qanunsuzluqları ilə bağlı yenə onlarla fakt açıqladı

22 saylı Nəsimi seçki dairəsinin 9 saylı məntəqəsindən verilən məlumata görə, bu məntəqə ərazisində qeydiyyatda olan çoxsaylı seçicilərin adı seçici siyahılarına daxil edilməyib.

121 saylı Laçın seçki dairəsinin 16 saylı məntəqəsindən verilən məlumata görə, bu məntəqədə 1 nəfərə ailə üzvlərinin səsvermə hüququ olan bütün seçicilərin əvəzinə səsvermə imkanı yaradılır. Bu qanunsuzluğa etiraz edən müşahidəçilərə isə “Hara istəyirsiniz, ora şikayət edin”, deyə cavabı verilir.

27 saylı Sabunçu 2-ci seçki dairəsinin 15 saylı məntəqəsində Cəbrayıl rayonunda qeydiyyatda olan Sabir Quliyev adlı seçiciyə seçki bülleteni verilərək, onun səs verməsinə şərait yaradılıb.

15 saylı Yasamal birinci seçki dairəsinin 2 və 3 saylı seçki məntəqələrində seçicilərin sağ əlindəki barmağına gözə görünməyən mürəkkəb vurulur, amma onun sol əlindəki barmağı yoxlanılır.

33 saylı Xətai birinci seçki dairəsindən alınan məlumata görə, məşvərətçi səs hüquqlu komissiya üzvlərinə lövhəcik verilərkən ayrı-seçkiliyə yol verilib. YAP tərəfindən təqdim olunan şəxslərə verilən lövhəcik Cəmil Həsənlinin mənafelərini müdafiə edən məşvərətçi səs hüquqlu komissiya üzvlərinə verilən lövhəcikdən fərqlənir.

Bundan başqa dairə seçki komissiyasının sədri məşvərətçi səs hüquqlu komissiya üzvlərinin səlahiyyətlərinin müşahidəçilərin səlahiyyətləri ilə eyni olduğunu bildirərək, məntəqə seçki komissiyalarına bu barədə göstəriş verib.

Press-reliz № 13:

36 saylı Xətai seçki dairəsinin 12 saylı seçki məntəqəsində məşvərətçi səs hüquqlu komissiya üzvü Dönməz Əhmədov bir nəfərin ailə üzvlərinin yerinə səs verməsi halını aşkar edib. Lakin həmin seçki büllütenləri topa halında seçki qutusuna atılıb.

86 saylı İsmayıllı seçki dairəsinin 60 saylı seçki məntəqəsində 10 seçki bülleteni topa halında seçki qutusuna atılması faktı aktlaşdırılıb.

15 saylı Yasamal birinci seçki dairəsinin 2 saylı məntəqəsində Hacıqabul rayonundan qeydiyyatda olanlara, eləcə də məcburi köçgünlərə səs vermək şəraiti yaradılır.

120 saylı Zəngilan-Qubadlı seçki dairəsinin 3, 29 və 37 saylı seçki məntəqələrindəki müşahidəçilərin gözü qarşısında seçki qutularına seçki bülletenləri topa halında atılıb. Buna etiraz edən müşahidəçilər seçki məntəqələrindən zorakılıqla xaric edilib.

Press-reliz № 12:

Prezidentliyə namizəd Cəmil Həsənlinin səlahiyyətli nümayəndələri - Müsavat Partiyasının Suraxanı təşkilatının sədri Rövşən Dəmirli və bu partiyanın Zəngilan təşkilatının sədri Rüfət Əliyev polis tərəfindən saxlanılaraq, polis bölməsinə aparılıb.

11 saylı Qaradağ seçki dairəsindən verilən məlumata görə, dairə ərazisində yerləşən Ələt qəsəbəsində 204 saylı bağçanın işçilərinə bir həftə əvvəldən İlham Əliyevin xeyrinə bülletenlər verilib və tapşırılıb ki, seçki günü (2 saylı seçki məntəqəsində bülletenləri seçki qutusuna atmaq lazımdır.

43 saylı Sumqayıt üçüncü seçki dairəsində məşvərətçi səs hüquqlu Məmmədov Məmmədyə Məmmədəli oğluna Sumqayıt şəhər 11 saylı MKİS-in rəisi Nizami zəng edərək onu öz kabinetinə dəvət edərək, seçki günü məntəqədə oturmasını və heç nəyə qarışmamasını tələb edib.

42 saylı Sumqayıt ikinci seçki dairəsini 9 saylı seçki məntəqəsinə təyin edilmiş KXCP üzvü Səmədli Aslan Məmməd oğluna müşahidə aparacağı məntəqəyə gəlib müşahidə aparmaması tələb olunmuşdur. Müşahidə edəcəyi təqdirdə ona problemlər yaradılacağı bildirilib.

42 saylı Sumqayıt ikinci seçki dairəsinin 8 saylı seçki məntəqəsinə təyin olunmuş müşahidəçi Muradov Rövşən Hacıbala oğlundan müşahidəçi missiyasını həyata keçirməməsi tələb olunub, əks təqdirdə onun cəzalandırılacağı bildirilib.

Sumqayıt şəhər İcra Hakimiyyəti Dairə Seçki Komissiyaları ilə birgə iş birliyinə gedərək müşahidəçi və məşvərətçilər təhdid edilərək fəaliyyətlərinə əngəl törədirlər.

61 saylı Sabirabad seçki dairəsində məşvərətçi səs hüquqlu komissiya üzvlərinə pul təklif etməklə, bu baş tutmadıqda hədə-qorxu ilə onların seçki məntəqələrinə gəlməmələri tələb olunub.

20 saylı Nərimanov seçki dairəsi büdcə təşkilatlarının işçilərinə səs verəcəkləri seçki məntəqəsindən çıxararaq, iş yerləri üzrə səs vermələri haqda bildiriş verilib.

18 saylı Nərimanov-Nizam seçki dairəsinin 1 saylı seçki məntəqəsinin məşvərətçi səs hüquqlu komissiya üzvü Hüseyn Həsənliyə qarşı təzyiq olunur. Ona seçki məntəqəsinə daxil olmaq qadağan olunub. O, xəbərdar edilib ki, seçki məntəqəsinə gələrsə, işdən azad olunacaq.

103 saylı Gədəbəy seçki dairəsinin 21 saylı seçki məntəqəsində məşvərətçi səs hüquqlu komissiya üzvü Q.Suleymanov seçki məntəqəsinə buraxılmıyıb. O, 25 dəqiqə keçdikdən sonra seçki məntəqəsinə daxil olarkən seçki qutusunun seçki bülletenləri ilə yarıya qədər dolu olduğunun şahidi olub. Həmin seçki məntəqəsində seçki prosesinə Gədəbəy rayon icra hakimiyyətinin nümayəndəsi Valeh Əlirza oğlu rəhbərlik edir.

11 saylı Qaradağ seçki dairəsinin 21 saylı seçki məntəqəsində bir neçə nəfər karusel əməliyyatında iştirak edib. Həmin qadınlar özləri karuseldə iştirak etdiklərini etiraf edib. Hadisə KXCP yerli fəalları tərəfindən aktlaşdırılıb.

Press-reliz № 11:

27 saylı Sabunçu ikinci seçki dairəsinin 8 və 32 saylı seçki məntəqələrində eyni şəxs dəfələrlə səs verir. Bu seçki məntəqəsində onlayn kamera 30 dəqiqə söndurulub.

54 saylı Şabran-Siyəzən 8 saylı seçki məntəqəsində müşahidəçi Nazir Adıgözəlovun verdiyi məlumata görə, 2 nəfərlik qrup 6 seçicinin əvəzinə səs verdiyi qeydə alınıb.

27 saylı Sabunçu ikinci seçki dairəsinin 15 saylı seçki məntəqəsində müşahidəçi Teymur Kərimovun verdiyi məlumata görə, qeydiyyat ünvanı başqa seçki məntəqəsinə olan şəxslər bu seçki məntəqəsində səs verir.

113 saylı Şəki şəhər seçki dairəsinin 9 saylı seçki məntəqəsində müşahidəçi Cavid Əliyevin verdiyi məlumata görə, qrup halında tələbələr və digər şəxslər sənədləri yoxlanılmadan seçki məntəqəsinə buraxılır və onların səsvermədə iştirak etməsinə şərait yaradılır.

26 saylı Sabunçu birinci seçki dairəsinin 19 saylı seçki məntəqəsindən müşahidəçi Rüfət Abdullayevin verdiyi məlumata görə, bir qadın iki dəfə səs verdi.

109 saylı Balakən seçki dairəsinin 22 saylı seçki məntəqəsindən müşahidəçi Badruddin Varşayevin verdiyi məlumata görə, icra hakimiyyəti nümayəndələri tərəfindən insanlar kütləvi şəkildə İlham Əliyevə səs verməyə məcbur edilir. Müşahidəçilər təhdid olunur.

35 sayli Xətai üçüncü seçki dairəsinin 8 saylı seçki məntəqəsindən məşvərətçi səs hüquqlu komissiya üzvü Rəhman Məmmədlinin verdiyi məlumata görə, başqa yerdə qeydiyyatda olan və cıxarış vəsiqəsi almayan seçicilə bu məntəqədə səs verir. Bu saata qədər 60 nəfər səs versə də, seçki məntəqəsinin sədri xarici müşahidəçilərə 88 seçicinin səs verdiyni bildirib.

27 saylı Sabunçu ikinci seçki dairəsinin 27 saylı məntəqəsindən Orxan Eyyubzadənin verdiyi məlumata görə, bir nəfərin bir neçə dəfə səs vermə və çıxarış vəsiqəsi olmadan səs vermə halları qeydə alınıb.

22 saylı Nəsimi ikinci seçki dairəsinin 21 saylı məntəqəsindən müşahidəçi Orxan Əhmədovun verdiyi məlumata görə, bir seçicinin 5 və daha artıq seçici əvəzinə səs verməsi halları qeydə alınıb.

40 saylı Kəpəz ikinci (Gəncə) şəhər seçki dairəsinin 28, 29, 30 saylı mənətəqlərindən verilən məlumata görə, hər müəllimə 170 manat veriblər ki, seçki məntəqəsinə gələrək 4-5 dəfə İlham Əliyevə səs versin.

Press-reliz № 10:

16 saylı Yasamal ikinci seçki dairəsinin 1 saylı məntəqəsindən verilən məlumata görə, həmin məntəqədə Torpaq Komitəsinin işçiləri dəfələrlə təkrar səsverməyə cəlb olunur. Seçicilərin barmaqlarına mürəkkəb vurulmur.

18 saylı Nərimanov-Nizami seçki dairəsinin 35 saylı seçki məntəqəsindən məşvərətçi səs hüquqlu komissiya üzvü Mütalib Novruzovun verdiyi məlumata görə, bu məntəqədə seçki qutusuna külli miqdarda seçki bülleteninin topa halında atıldığı aşkar edilib.

17 saylı Yasamal üçüncü seçki dairəsinin 31 saylı məntəqəsində bu rayonun ərazisində fəaliyyət göstərən 60 saylı MKİS-in işçiləri həmin seçki məntəqəsində qeydiyyatda olmamalarına baxmayaraq, səsvermədə iştirak etmələrinə imkan yaradılıb.

22 saylı Nəsimi ikinci seçki dairəsindən səlahiyyətli nümayəndə Xeyrulla Balaxanlının verdiyi məlumata görə, bu dairənin ərazisində yerləşən 14 saylı Mənzil İstismar Sahəsinin Ramin adlı rəisi beynəlxalq müşahidəçilərin gözü qarşısında öz işçilərinin 2, 3 və 4 saylı seçki məntəqələrində təkrarən səs vermələrini təşkil edib.

15 saylı Yasamal birinci seçki dairəsindən verilən məlumata görə, bu dairənin 2 və 3 saylı məntəqələrində seçicilər kütləvi şəkildə qeydiyyatdançıxma vəsiqəsi ilə səs verir.

8 saylı Binəqədi birinci seçki dairəsinin 28 saylı məntəqəsində bir seçicinin bir neçə dəfə təkrar səsverməsi qeydə alınıb.

27 saylı Sabunçu seçki dairəsinin 2 saylı seçki məntəqəsində səlahiyyətli nümayəndə Elşən Həsənli məntəqəyə buraxılmır.

8 saylı Binəqədi birinci seçki dairəsinin 15 saylı məntəqəsində seçkidə iştirak edən seçicilərin sayı barədə Dairə Seçki Komissiyasına şişirdilmiş məlumat verilib

47 saylı Mingəçevir seçki dairəsində səlahiyyətli nümayəndə Nurəddin Rüstəmov seçki məntəqəsinə buraxılmır.

120 saylı Cəbrayıl – Qubadlı seçki dairəsinin 29 saylı məntəqəsindən verilən məlumata görə, məşvərətçi səs hüquqlu komissiya üzvü Xəqan Əliyevi saxlanılaraq polis bölməsinə aparılıb.

83 sayli Agcabədi-Füzuli seçki dairəsinin 35 sayli secki məntəqəsində müşahidəçi Anar Gəraylının verdiyi məlumata görə, məntəqə seçki komissiyasının sədri topa halında seçki bülletenlərini seçki qutusuna şəxsən doldurur.

Press-reliz № 9:

75 saylı Lənkəran-Masallı seçki dairəsinin 9 saylı məntəqəsindən müşahidəçi İbrahim Məmmədovun verdiyi məlumata görə, bu məntəqədə məşvərətçi səs hüquqlu komissiya üzvünə öz səlahiyyətlərini yerinə yetirməyə imkan verilmir. Seçkiyə aidiyyatı olmayan şəxslər seçki məntəqəsinin daxilində seçicilər arasında təbliğat apararaq, onları İlham Əliyevə səs verməyə təhrik edirlər.

22 saylı Nəsimi ikinci seçki dairəsinin 1 saylı məntəqəsindən səlahiyyətli nümayəndə Xeyrulla Balaxanlının verdiyi məlumata görə, beynəlxalq müşahidəçilərin gözü qarşısında seçki qutularına seçki bülletenləri topa halında salınması qeydə alınıb.

95 saylı Tərtər seçki dairəsinin 36 saylı məntəqəsindən səlahiyyətli nümayəndə Hamlet Səfixanlının verdiyi məlumata görə, İcra Hakimiyyətinin nümayəndələri seçki məntəqəsində seçiciləri İlham Əlham Əliyevə səs verməyə səs verməyə təhrik edirlər.

Məşvərətçi səs hüquqlu komissiya üzvü Əyyub Əziyevin verdiyi məlumata görə, Dövlət Torpaq Komitəsinin 7-ci mkrorayon ərazisində yerləşən yataqxanasından seçicilər “10 JP 396” dövlət nömrə-nişanlı maşınla səs vermək üçün Torpaq Komitəsinin binasına aparılır.

28 saylı Sabunçu 3-cü seçki dairəsinin 2 saylı məntəqəsindən Orxan Eyyubzadənin verdiyi məlumata görə, bir seçicinin topa halında seçki bülletenlərini seçki qutusuna atdığı atması qeydə alınıb. Bu məntəqədə bir seçicinin bir neçə dəfə təkrar səs verdiyi müşahidə olunub.

45 saylı Abşeron seçki dairəsinin ərazisindən Zahir Feyzullayevin verdiyi məlumata görə, bütün məktəblərdə karusel əməliyyatı həyata keçirilir. Valideynlər məktəblərdə səs verməyə məcbur edilir. 7 avtobusla İşıq, Su, Kanalizasiya, Poçt işçiləri və müəllimlər məntəqələrə daşınır. 20 saylı məntəqədə valideynləri arxa qapıdan idman zalına doldurub səs verdirirlər.

120 saylı Cəbrayıl-Qubadlı seçki dairəsinin 35 saylı məntəqəsindən məşvərətçi səs hüquqlu komissiya üzvü Məhəbbət Muradlının verdiyi məlumata görə, bu məntəqədə seçki prosesinə ərazi icra nümayəndələri rəhbərlik edir. Seçki komissiyasının üzvləri seçki qutularına topa halında seçki bülletenləri doldurur.

123 saylı Kəlbəcər seçki dairəsinin 52 saylı məntəqəsindən verilən məlumata görə, məntəqə komissiyasının sədri İzzət Bayramov seçki bülletenlərin qulaqcıqlarını kəsir və orada İlham Əliyevə səs verildiyini təsdiqləyən işarə qoyur. Müşahidəçi Nizami Səfiyarov isə həmin bülletenləri hamının gözü qarşısında seçki qutusuna atır.

Press-reliz № 8:

113 saylı Şəki şəhər seçki dairəsinin 9 saylı seçki məntəqədən müşahidəçi Cavid Əliyevin verdiyi məlumata görə, seçicilərin barmaqlarının boyanması üçün mürəkkəb yoxdur. Bu seçki məntəqəsində başqa rayonlarda qeydiyyatda olan şəxslərin səs verməsinə imkan yaradılır, karusel əməliyyatı həyata keçirilir.

61 saylı Neftçala seçki dairəsindən Adil Əjdəroğlunun verdiyi məlumata görə, bu dairənin 2, 3, 4, 5 və 6 saylı məntəqələrində kütləvi qanun pozuntularına və saxtakarlıqlara yol verilir. Müşahidəçilərin seçki prosesini izləməsinə imkan verilmir. Seçki qutularına topa şəkildə seçki bülletenləri atırlar. 6 saylı seçki məntəqəsində məntəqə seçki komissiyasının işində seçki komissiyasının üzvü olmayan şəxs iştirak edir.

34 saylı Xətai ikinci secki dairəsinin 15 saylı məntəqəsindən məşvərətçi səs hüquqlu komissiya üzvü Ceyhun Babayevin verdiyi məlumata görə, karusel əməliyyatı keçirilir. Məşvərətçi səs hüquqlu komissiya üzvünün barmağa mürəkkəb vurulması prosesini müşahidə etməsinə imkan verilmir.

34 saylı Xətai ikinci seçki dairəsinin 4 saylı məntəqəsindən məşvərətçi səs hüquqlu komissiya üzvü Elnur Məcidlinin verdiyi məlumata görə, barmağında mürəkkəb olan seçicilər təkrarən bu məntəqədə səs verməyə buraxılıblar. Elnur Məcidlinin seçki komissiyasının işində iştirak etməsinə imkan verilməyib, o, polis vasitəsilə məntəqədən çıxarılacağı ilə hədələnib.

10 saylı Binəqədi seçki dairəsindən səlahiyyətli nümayəndə Akif Babayevin verdiyi məlumata görə dairənin 31, 31, 33, 34 saylı məntəqələrində seçki bülletenləri kütləvi şəkildə seçki qutularına atılırş. Karusel əməliyyatı həyata keçrilir

54 saylı Şabran-Siyəzən seçki dairəsinin 8 saylı məntəqəsində müşhahidəçi Nazir Adıgözəloun verdiyi məlumata görə, 3 nəfərlik qrup 8 seçici əvəzinə səs verib. YAP-ın nümayəndəsi Xankərəm Orucov karusel əməliyyatına rəhbərlik edir.

91 saylı Ucar seçki dairəsinin 1 saylı məntəqəsindən səlahiyyətli nümayəndə Fəzli Mehdiyevin verdiyi məlumata görə, o, “Azadlıq” radiosunun əməkdaşı ilə birgə seçki məntəqəsinə daxil olan zaman başqa bir otaqda seçki bülletenlərinin küncləri kəsilib seyfə qoyulmasının şahidi olub. Bu məntəqədə seçki qutusuna topa şəkildə seçki bulletenləri atilir.

27 saylı Sabunçu birinci seçki dairəsinin 15 saylı məntəqəsindən müşahidəçi Teymur Kərimovun verdiyi məlumata görə, başqa ünvanda qeydiyyatda olanlar bu məntəqədə səs verir. Bu məntəqədə seçki qutularına topa şəkildə seçki bülletenləri atılır.

Press-reliz № 7:

32 saylı Suraxanı üçüncü seçki dairəsinin 18-26 saylı məntəqələrindən verilən məlumata görə, bu seçki məntəqlərində barmaq işarələmək üçün mürəkkəb yoxdur.

74 saylı Lənkəran kənd seçki dairəsinin 39 saylı məntəqəsindən müşahidəçi Hikmət Qurbanovun verdiyi məlumata görə, müşahidəçi Məhmədov Hikmət Ayaz oğlu polis əməkdaşı Cavid Həsənov tərəfindən seçki məntəqəsindən çıxarılıb. Həmin məntəqədə seçki bülletenlərinin kütləvi şəkildə seçki qutularına atdığı qeydə alınıb.

45 saylı Abşeron seçki dairəsinin 10 saylı məntəqəsində - “85 BX 671”, “10 ZR 658”, “10 XO 813”, “01 BK 315”, “50 AE 126”, “ 10 TE 925”, “39 BB 596” nömrə-nişanlı minik avtomobilləri vasitəsilə karusel əməliyyatı həyata keçirilir.

61 sayli Neftçala secki dairəsinin 2 sayli seçki məntəqəsindən müşahidəçi Güloğlan Əkbərovun verdiyi məlumata görə, seçki komissiyasının sədri və üzvləri seçki qutusuna topa şəklində seçki bülleteni atır.

34 saylı Xətai seçki dairəsinin 7 saylı məntqəsində bir nəfər yeddi bülletendən istifadə edərəkən tutulub. Bu hadisədən sonra məntəqədə qeydə alınan müşahidəçilər Çəlal Qarayev və Südabə Səlimova seçki məntəqəsindən polis tərəfindən çıxarılıb.

50 saylı Qobustan-Xızı dairəsindən səlahiyyətli nümayəndə Ağaseyid Hüseyinovun verdiyi məlumata görə, “Baku Stell Kompany” şirkətinin 50 nəfər işçisi məntəqələr üzrə karusel əməliyyatı həyata keçirir.

Həmin dairənin Sahibkarlığa kömək fondunun binasında yerləşən 9 saylı məntəqəsində artıq karusel əməlliyyatına başlanıb və bu əməliyyata MKİS işçiləri rəhbərlik edir.

16 saylı Yasamal ikinci seçki dairəsnin 5, 6, 9 və 10 saylı məntəqələrində karusel əməliyyatı həyata keçrilir, prezidentliyə namizəd Cəmil Həsənlinin maraqlarını müdafiə edən məşvərətçi səs hüquqlu komissiya üzvlərinin seçki məntəqəsindən müşahidə aparmasına imkan verilmir.

98 saylı Şəmkir şəhər, 99 saylı Şəmkir kənd və 100 saylı Şəmkir-Daşkəsən seçki dairələrindən səlahiyyətli nümayəndə Şahin Həsənlinin verdiyi məlumata görə, məntəqə seçki komissiyalarına AXCP adından müşahidəçilər verilib və onların vəsiqələrində bu göstərilib. Bu şəxslərin AXCP-yə heç bir aidiyyəti yoxdur.

Press-reliz № 6:

55 saylı Xaçmaz şəhər seçki dairəsindən Ramazan Əliyevin verdiyi məlumata görə, 55 saylı Xaçmaz şəhər seçki dairəsi üzrə məşvərətçi səs hüquqlu komissiya üzvü olan Ramiz Mustafayev bu dairənin 1 saylı məntəqəsində olarkən polis tərəfindən məntəqədən çıxarılıb və polis idarəsinə aparılıb.

17 saylı Oğuz-Qəbələ seçki dairəsinin 20 saylı Şirvanlı kənd seçki məntəqəsindən müşahidəçi Ramin Musayevin verdiyi məlumata görə, kəndin sahə müvəkkili və kənd icra nümayəndəsi seçki məntəqəsinin önündə dayanaraq, səsverməyə gələn seçicilərə təsir göstərirlər.

34 saylı Xətai ikinci seçki dairəsinin 7 saylı məntəqəsindən müşahidəçi Cəlal Qarayevin verdiyi məlumata görə, bir seçici seçki qutusuna 7 bülleten atarkən saxlanılıb.

64 saylı Sabirabad ikinci seçki dairəsinin 10 saylı Moranlı məntəqəsindən verilən məlumata görə, məşvərətçi səs hüquqlu komissiya üzvü Mikayıl İsmayılovun müşahidə aparmasına imkan verilməyib, o seçki məntəqəsindən çıxarılıb.

29 saylı dairənin 17-18-19 məntəqələrində 51-162 saylı məktəbin müəllimləri karusel əməliyyatında iştirak edir.

8 saylı Binəqədi birinci seçki dairəsinin 4, 5 saylı məntəqələrindən jurnalist Xalid Qarayevin verdiyi məlumata görə, seçicilər ümumvətəndaşlıq pasportu ilə səs verirlər. Müşahidəçilərə müşahidə üçün imkan verilmir.

57 saylı Kürdəmir seçki dairəsinin 26 saylı məntəqəsindən səlahiyyətli nümayəndə Lətafət Məlikovanın verdiyi məlumata görə seçki qutusuna seçki bülletenləri topa şəklində atılır.

81 saylı Neftçala seçki dairəsnin 4, 5 və 6 saylı məntəqələri vaxtında açılmayıb, seçki bülletenləri sayılmadan səs vermə başlayıb.

15 saylı Yasamal birinci seçki dairəsinin 22 saylı məntəqəsindən səlahiyyətli nümayəndə Maarif Ağaməmmədovun verdiyi məlumata görə, səsvermə elan olunmamışdan qabaq içəridə bir qrup seçiciyə seçki bülleteni verilərək səsvermə başlanıb. Həmin dairənin 23 saylı MnSK-na 22 saylı MKİS-in işçiləri tərəfindən karusel üsulu ilə seçiciər gətirilir.

34 saylı Xətai ikinci seçki dairəsinin 30 saylı məntəqəsindən verilən məlumata görə, məşvərətçi səs hüquqlu komissiy üzvü Sevil Məmmədova karusel əməliyyatı həyata keçirən qrupun mobil telefon vasitəsilə çəkərkən, seçki komissiyasının sədri və katibi Sevil Məmmədovanın mobil telefonunu zorakılıqla alıblar.

Press-reliz № 5:

45 saylı Abşeron seçki dairəsinin 10 saylı məntəqəsindən verilən məlumata görə, seçki məntəqəsinin sədri Tərlan Hacızadə prezidnetliyə namizəd Cəmil Həsənlinin maraqlarını müdafiər edən müşahidəçiləri seçki məntəqəsindən uzaqlaşdırmağa cəhd edib. Müşahidəçilər təhdid olunur. Bu məntəqədə qeydiyyatda olmayan seçicilərin səs verməsinə imkan yaradılır.

95 saylı Tərtər seçki dairəsinin 4 saylı seçki məntəqəsindən müşahidəçi Xaqani Məmmədin verdiyti məlumata görə, rayon təhsil şöbəsinin işçisi Nuriyev İntiqam Azad oğlu karusel əməliyyatı təşkil edərkən müşahidəçilər tərəfindən məntəqədə yaxalanıb.

15 saylı Yasamal birinci seçki dairəsinin 8 saylı məntəqəsindən səlahiyyətli nümayəndə Zərifə Məhəddinovanın verdiyi məlumata görə, büdcə təşkilatlarının işçiləri seçki qutusuna topa şəklində seçki bülletenləri atır.

8 saylı Binəqədi birinci seçki dairəsinin 12 saylı seçki məntəqəsindən səlahiyyətli nümayədə Əflatun Hüseynovun verdiyi məlumata görə, seçki məntəqəsinə azsaylı seçicilərin gəlməsinə baxmayaraq, seçki qutuları artıq dolub.

45 saylı Abşeron seçki dairəsinin 10 saylı məntəqəsindən verilən məlumata görə, indiyədək səs verən 44 seçicidən 20-si qeydiyyatdançıxma vəsiqəsi ilə səs verib. Onlar qanunda nəzərdə tutulduğuna zidd olaraq müvafiq sənədə ünvanblarını yazaraq imza atmayıb.

120 sayli Cəbrayıl-Qubadlı seçki dairəsinin 4 saylı məntəqəsindən müşahidəçi Aydın Əliyevin verdiyi məlumata görə, bir seçiciyə iki seçki bülleteni verilir.

34 saylı Xətai üçüncü secki dairəsinin 13 və 14 saylı məntəqələrindən müşahidəçi Rza Abdullayevin verdiyi məlumata görə, 98 saylı məktəbin direktoru karusel əməliyyatına rəhbərlik edir.

31 saylı Suraxanı ikinci secki dairəsinin 2 saylı məntəqəsindən verilən məlumata görə, Nataliya adında şəxs AXCP-nin nümayəndəsi kimi qeydiyyata düşüb. AXCP-dən alınan məlumata görə, onun bu təşkilata heç bir aidiyyatı yoxdur.

Press-reliz № 4:

8 saylı Binəqədi birinci seçki dairəsindən prezidentliyə namizəd Cəmil Həsənlinin vəkili Pənah Hüseynin verdiyi məlumata görə, 8 nəfərdən ibarət qrup 276 saylı məktəbdə yerləşən 20, 21, 22 saylı məntəqələrdə karusel üsulu ilə səs verirlər.

35 saylı Xətai üçüncü seçki dairəsinin 22 saylı seçki məntəqəsindən səlahiyyətli nüamyəndə Mustafa Hacılının verdiyi məlumata görə, şəxsiyyət vəsiqəsi təqdim etməyən seçicilərə seçki bülletenləri verilir.

27 saylı Sabunçu ikinci seçki dairəsinin 7 sayli seçki məntəqəsindən Cəsur Məmmədovun verdiyi məlumata görə, bəzi seçicilər barmaqlarına müərkkəb vurulmadan seçki məntəqələrinə buraxılıb. Bu barədə protokol tərtib edilməsi ilə əlaqədar müşahidəçilərin tələbi yerinə yetirilməyib.

36 saylı Xətai dördünçü seçki dairəsinin 15, 16, 30 saylı seçki məntəqələrinə prezidentliyə namizədin Cəmil Həsənlinin mənafelərini müdafiə edən müşahidəçilər seçki məntəqələrinə buraxılmır.

34 saylı Xətai ikinci secki dairəsinin 4 saylı secki məntəqəsində komissiya sədri müşahidəçilərə qarşı kobudluq edir, onların öz vəzifələrini icra etməsinə imkan vermir və polislə təhdid edir.

120 sayli Cəbrayıl-Qubadlı seçki dairəsinin 47 saylı seçki məntəqəsində YAP-dan olan müşahidəçi Nizam Vəliyev səsvermə kabinələrinə girib səsverməyə müdaxilə edir.

15 saylı Yasamal birinci seçki dairəsinin ərazisində bir qrup şəxs “90-CP-490” nömrə-nişanlı Nunday markalı avtobusla gəzdirilərək müxtəlif məntəqələrdə karusel üsulu ilə səs verir.

108 saylı Ağstafa seçki dairəsindən səlahiyyətli nümayəndə Səxavət Soltanlının verdiyi məlumata görə, 1, 2,3 və 4 saylı seçki məntəqələrində əmək kollektivləri kollektivin rəhbərlərinin iştirakı ilə gələrək səs verir.

34 saylı Xətai ikinci secki dairəsinin, 17, 18, 19, 21 saylı məntəqələri 269 saylı məktəbin Ella adlı direktoru karusel əməliyyatına rəhbərlik edir.

Press-reliz № 3:

8 saylı Binəqədi birinci seçki dairəsinin 22 saylı seçki məntəqəsindən prezidentliyə namizəd Cəmil Həsənlinin vəkili Pənah Hüseynin verdiyi məlumata görə, seçki məntəqəsində indiyədək səs verən 110 seçicidən 40 seçici qeydiyyatdançıxma vəsiqəsi ilə səs verib. Onlar Seçki Məcəlləsinə zidd olaraq müvafiq sənədə ünvanlarını yazaraq imza atmayıblar.

54 saylı Şabran-Siyəzən seçki dairəsinin 8 saylı məntəqəsindən məşvərətçi səs hüquqlu komissiya üzvü Akif Şahbazovun verdiyi məlumata görə, bir seçicinin bir neçə seçki bülletenini seçki qutusuna atdığı müşahidə olunub və bu barədə akt tərbib edilib.

17 saylı Yasamal üçüncü seçki dairəsinin 19 saylı seçki məntəqəsindən jurnalist Tahir Cəfərovovun verdiyi məlumata görə, seçki məntəqəsi vaxtından əvvəl açılıb.

Müsavat Partiyası Xətai rayon təşkilatından verilən məlumata görə, 34 saylı Xətai ikinci seçki dairəsinin 12 saylı seçki məntəqəsində məşvərətçi səs hüquqlu komissiya üzvünə seçki komissiyasının işində iştirak etməyə imkan verilməyib. O, müşahidəçilərin yanında oturmağa məcbur edilib.

KXCP-nin mərkəzi qərargahından verilən məlumata görə, 125 saylı Zəngilan-Qubadlı seçki dairəsinin 42 saylı məntəqəsində seçki qutusu səsəvermə otağına gətirilərkən içində seçki bülletenləri olub. Müşahidəçilərin etiraz etməsinə baxmayaraq, içərisində seçki bülletenləri olan seçki qutusu möhürlənməyib.

Seçkilərin Monitorinqi və Demokratiyanın Tədrisi Mərkəzinin müşahidəçisi Bəşir Süleymanlının verdiyi məlumata görə, 124 saylı Şuşa-Ağdam-Xocalı-Xocavənd seçki dairəsinin əksər seçki məntəqələrinə SMDT-nin rəsmən qeydiyyatda keçmiş müşahidəçiləri buraxılmayıb.

95 saylı Tərtər seçki dairəsinin 36 saylı seçki məntəqəsindən məşvərətçi səs hüquqlu komissiya üzvü Mübariz Həsənovun verdiyi məlumata görə, seçki qutusuna topa şəklində seçki bülletenləri atılıb.

15 saylı Yasamal birinci seçki dairəsinin 9 saylı seçki məntəqəsindən səlahiyyətli nümayəndə Zərifə Məhəddinovanın verdiyi məlumata görə, ona seçki məntəqəsində müşahidə aparmağa imkan verilməyib və seçki məntəqəsindən çıxarılıb.

Press-reliz № 2:

120 saylı Cəbrayıl-Qubadlı seçki dairəsinin 13 saylı seçki məntəqəsindən müşahidəçi Seymur Kərimovun verdiyi məlumata görə, bu məntəqədə Gədəbəy, Füzuli, Şamaxı və Kəlbəcər rayonunda qeydiyyatda olan seçicilərin seçkidə iştirakı üçün seçki bülleteni verilir.

8 saylı Binəqədi birinci seçki dairəsindən dairə üzrə məşvərətçi səs hüquqlu komissiya üzvü Tacik Hacılının verdiyi məlumata görə, bu dairənin 1, 2, 3 saylı məntəqəsinin qarşısında icra hakimiyyəti nümayəndələri seçicilərə hamının gözü qarşısında pul paylayır.

118 saylı Ağdam şəhər seçki dairəsinin 46 saylı seçki məntəqəsindən Nurlan adlı seçicinin verdiyi məlumata görə, Müşviqabad qəsəbəsində yerləşən bu seçki məntəqəsində seçki qutusu saat 0725-də seçki bülletenləri ilə doldurulub.

57 saylı Kürdəmir seçki dairəsinin 2 saylı məntəqəsindən səlahiyyətli nümayəndə Lətafət Məlikovanın verdiyi məlumata görə, seçki məntəqəsində seçki qutularına topa şəklində seçki bülletenləri atılır.

75 saylı Lənkəran-Masallı seçki dairəsinin 79 saylı məntəqəsindən məşvərətçi səs hüquqlu komissiya üzvü İbrahim Məmmədovun verdiyi məlumata görə, seçki komissiyasının işinə buraxılmır, ona təzyiq göstərilərək, müşahidəçilərin yanında əyləşməyə icazə verilib.

54 saylı Şabran-Siyəzən seçki dairəsinin 17 saylı seçki məntəqəsindən məşvərətçi səs hüquqlu müşahidəçi Ramiz Hacıyevin verdiyi məlumata görə, seçki bülletenləri məntəqə seçki komissiyası üzvləri tərəfindən sayılmayıb. Müşahidəçilərin bu barədə təklifinə məhəl qoyulmayıb.

10 saylı Binəqədi üçüncü seçki dairəsinin 32 saylı məntəqəsindən səlahiyyətli nümayəndə Akif Babayevin verdiyi məlumata görə, seçki komissiyasının sədri onlara korbonlaşmış seçki protokollarının verilmədiyini bildirib. Bu dairənin əksər məntəqələrində məşvərətçi səs hüquqlu komissiya üzvlərinə seçki komissiyasının işində iştirak etməyə imkan verilməyib və onlar müşahidəçilərlə birlikdə kənarda əyləşməyə məcbur ediliblər.

20 saylı Nərimanov ikinci seçki dairəsindən səlahiyyətli nümayəndə Qabil Qafarovun verdiyi məlumata görə, bu dairənin bütün seçki məntəqələrində məşvərətçi səs hüquqlu komissiya üzvlərinə seçki komissiyasının işində iştirak etməyə imkan verilməyib və onlar müşahidəçilərlə birlikdə kənarda əyləşməyə məcbur ediliblər. Bu barədə DSK sədri Eldar Sadıqova şikayət edilib. DSK sədri məşvərətçi səs hüquqlu komissiya üzvlərinin yalnız müşahidə səlahiyyəti olduğunu bildirib.

Press-reliz № 1:

120 saylı Cəbrayıl-Qubadlı seçki dairəsinin 46 saylı seçki məntəqəsindən Vahid Əhmədlinin verdiyi məlumata görə, saat 0745-də xeyli sayda seçki bülletenlərinin seçki qutusuna salındığı aşkar edilib.

55 saylı Xaçmaz şəhər seçki dairəsinin 1 saylı məntəqəsindən Ramiz Mustafayevin verdiyi məlumata görə, rayon icra hakimiyyətinin başçısı başda olmaqla dövlət qulluğunda və büdcə təşkilkatında işləyən əhali bu məntəqəyə gətirilib. Hazırda bu insanlara qeyri-qanuni olaraq bu məntəqədə seçki bülletenləri verilir.

36 saylı Xətai dördüncü seçki dairəsinin 16, 17, 18 saylı məntəqələrinə Cəmil Həsənlinin müşahidəçiləri buraxılmayıb.

19 saylı Nərimanov birinci seçki dairəsinin 30 saylı məntəqəsindən Məsud Əsgərovun verdiyi məlumata görə, məntəqədə bülletenlər müşahidəçilərin nəzarəti altında sayılmayıb və seçki qutularının hamısı səsvermə otağında yerləşdirilməyib.

8 saylı Binəqədi birinci seçki dairəsinin 30 saylı məntəqəsindən Şamil Beydullanın verdiyi məlumata görə, bu məntəqəyə daxil olan istənilən Azərbaycan vətəndaşının səs vermə hüquq olduğu bildirilir və bu məntəqə ərazisində qeydiyyatda olmayan şəxslərə də seçki bülletenləri verilir.

82 saylı Ağcabədi seçki dairəsinin 3 saylı məntəqəsindən səlahiyyətli nümayəndə Rüfət Hacıbəylinin verdiyi məlumata görə, məktəbin Yeganə adlı müəllimi seçki qutusuna topa şəklində seşçki bülleteni salır.

36 saylı Xətai dördüncü seçki dairəsinin 31 saylı məntəqəsindən müşahidəçi Fuad Əhmədlinin verdiyi məlumata görə, bu məntəqədə seçki bülletenləri müşahidəçilərin nəzarəti altında sayılmayıb, bülletenlər səsvermə otağında saxlanılmır və bu məntəqədə səsvermə hüququ olmayan şəxslərə seçki bülletenləri verilir.

54 saylı Şabrah-Siyəzən seçki dairəsinin 3 saylı məntəqəsindən məşvərətçi səshüquqlu Akif Şahvbazovun verdiyi məlumata görə, bu məntəqəyə gələn seçicilərin barmaqlarının mürəkkəblənib-mürəkkəblənmədiyi yoxlanılmır və barmaqlara mürəkkəb vurulmur.

105 saylı Tovuz seçki dairəsinin 40 saylı məntəqəsindən səlahiyyətli nümayəndə Səxavət Soltanlının verdiyi məlumata görə, səhər 815-də seçki məntəqəsində heç kəs yoxdur, məntəqənin komissiya üzvləri başqa bir otaqda məntəqə seçki komissiyasının sədri ilə birlikdə seçici siyahılarında və seçki bülletenlərində qeydlər aparır.

Cəmil Həsənlinin Seçki Qərargahı

Bizi himayə edənlər

Əlaqə

Popüler Yayınlar

Blog Arşivi

Cəmil Həsənlinin Seçki Qərargahı seçki qanunsuzluqları ilə bağlı yenə onlarla fakt açıqladı

0 comments:

Yorum Gönder

23 Aprel hərəkatı

sosial şəbəkələrimiz

23 aprel logosı

23 aprel