9 Şubat 2013 Cumartesi
İsmayıllılara da qubalılarla eyni ittihamlar irəli sürüldü
Ombudsman Aparatının əməkdaşları DİN-in Mütəşəkkil Cinayətkarlığa
qarşı Mübarizə Baş İdarəsində 23-24 yanvar İsmayıllı hadisələri üzrə həbs
edilmiş 12 nəfərə baş çəkiblər.
“Bu şəxslər saxlanma şəraitindən və onlara qarşı rəftardan
şikayət etməyiblər”, deyə Ombudsman Aparatının mətbuat xidmətinin məlumatında
bildirilir.
10 nəfər barəsində CM-in 186.2.1 (əmlakı qəsdən məhvetmə və
ziyan vurma, zərərçəkmişə böyük ziyan vurulduqda), 233 (ictimai asayişin
pozuntusunun təşkili) və 315.2-ci (hakimiyyət nümayəndəsinə qarşı müqavimət və
ya zorakılıq göstərilməsi) maddələri üzrə cinayət işi başlanıb. Qeyd edək ki,
ötən il Quba hadisələri iştirakçılarına da bu maddələrlə ititham irəli
sürülmüşdü.
Daha iki nəfər – “Çıraq” otelinin inzibatçısı və daha bir nəfər
isə xuliqanlıqda ittiham edilir. Təqsirləndirilən şəxslərin hər biri dövlət
hesabına vəkillə təmin edilib, bu barədə 23-24 yanvar iğtişaşları zamanı
İsmayıllıda olmayan ombudsman işçiləri məruzə edir.
Öz növbəsində, İşgəncələr Əleyhinə Komitənin sədri Elçin
Behbudov və onun köməkçisi Elçin Şirinov da MCMBİ təcridxanasına baş çəkiblər.
Elçin Behbudovun Turan-a verdiyi məlumata görə, o, “Çıraq” otelinin inzibatçısı
Emin Şəmdinov və Bakı sakini Elməddin Məmmədov da daxil olmaqla, 12 məhbusla
görüşüb.
Birinci təqsirini etiraf edərək, hadisə zamanı sərxoş
olduğunu bildirib. Elməddin Məmmədova gəlincə, o, özünü təqsirli bilmir. O, Şəmdinova
hücum olduğunu görərək, onun köməyinə gəlib.
Behbudov İsmayıllı sakinləri ilə də söhbəti edib. “Biz
onların bədənlərinə baxdıq, amma döyülmə izləri görmədik. Onlar saxlanma şəraitindən
və onlara qarşı rəftardan şikayət etməyiblər”, deyə hüquq müdafiəçisi bildirib.
5 Şubat 2013 Salı
Füzuli sakini özünü İcra Hakimiyyətinin qarşısında yandırdı
Füzuli rayonunun Horadiz şəhərində bir nəfər özünü yandırıb.
Füzuli rayon Dilağarda kənd sakini Dünyamin Adıgözəlov adlı şəxs Füzuli rayon
İcra Hakimiyyətinin qarşısında üzərinə benzin tökərək özünə od vurub.
Qohumları bildiriblər ki, D.Adıgözəlovun Ağdam rayonundan məcburi
köçkün olan Zahid adlı bir nəfərlə məhkəmə çəkişməsi olub.
Belə ki, onlar bir müddət şərikli soğan əkib satmaqla məşğul
olublar. Lakin sonradan aralarında narazılıq yaranıb. Bunun üçün də tərəflər məhkəməyə
müraciət ediblər. D.Adıgözəlov dünən Füzuli rayon Polis Şöbəsinin rəis müavini
Rəhim Mirzəyevin qəbulunda olub. Oradan çıxandan sonra isə binanın qarşısında
üzərinə benzin tökərək özünü yandırıb. D.Adıgözəlov ilkin tibbi yardım göstərildikdən
sonra vəziyyəti ağır olduğu üçün Bakıya göndərilib
İsmayıllı üsyanı ilə bağlı yeni təqib dalğası başlayıb
İsmayıllı üsyanı ilə bağlı yeni təqib dalğası başlayıb. Əhalının sözlərinə görə, yanvarın 25-də İsmayıllı şəhərində keçirilən aksiyada iştirak edənlər polisə çağırılır. Yanvarın 25-inə keçən gecə baş verən hadisələrin iştirakçılarının ardınca bu dəfə səhəri günkü aksiyanın iştirakçılarının da dindirilmə adı ilə İsmayıllı rayon Polis Şöbəsinə çağırılmasına başlanılıb. Aksiyanın videogörüntülərinin incələnməsindən sonra görüntülərdəki adamlar sahə müvəkillərinin vasitəsilə istintaqa cəlb edilir. Polisə getməkdən imtina edənlərin zorla aparılması barədə göstəriş var. Sahə müvəkkillərindən biri etiraf edib ki, onlara xüsusi siyahılar verilib və adı siyahıda olanların gətirilməsi tələb edilir. İlkin məlumatlara görə, saxlanılanları İsmayıllı Rayon Polis Şöbəsinin rəis müavini Şöhrət Kərimov dindirilir.
Bu videoda çoxlu sözlər deyilib və aşkarlama var.
30 Ocak 2013 Çarşamba
Yenə əsgər ölüm xəbəri - “Silahları üstümüzdən çəkin"
“Silahları
üstümüzdən çəkin"
Son iki gündə 3 əsgər ölümü barədə məlumatlar mediaya çıxdı.
20 günün əsgərinin xəstəlikdən dünyasını dəyişməsi xəbəri, 7 ayın əsgərinin
özünə intihar etməsi və 45 gün hərbi xidmətdə olan əsgərin meningitdən vəfat
etməsi. Öncədən bildirək ki, dünyasını dəyişmiş hər üç əsgərin yaxınları rəsmi
məlumatın gerçəkliklə uzlaşmadığını söyləyirlər.
Ötən il dekabrın 9-da hərbi hissədə ölmüş 19 yaşlı əsgər
Zeynal Zeynalov Cəlilabad rayonunda yerləşən N saylı hərbi hissəyə 2012-ci ilin
aprelin 28-də xidmətə çağırılıbmış. Rəsmi məlumatda deyilib ki, o, tabeliyində
olan avtomat silahdan açılan atəş nəticəsində həlak olub.
Indiki durumda bu hadisələr xalqımızda pis təsirləri var
hakimiyyətdə o böyük böyük işlərindən əl çəksin və vətən oğlanlarına ki ölkədən
müdafiyə edirlər baxsın....!!!
Kaydol:
Kayıtlar (Atom)
23 aprel logosı
23 aprel
