31 Mart 2013 Pazar
“New York Times” 10 MART aksiyasından yazdı
“Yüzlərlə gənc “Ali Baş Komandan, cavab ver bizə” deyib,
müdafiə nazirinin istefasını tələb edib”
Ötən bazar Bakıda əsgər ölümlərinə etiraz məqsədilə keçirilən
aksiya barədə Amerikanın dünyaca məşhur “The New York Times” qəzeti də yazıb. Qəzet
qeyd edir ki, Bakıda gənclərin keçirdiyi mitinqdə polis göz yaşardıcı qazdan və
rezin güllələrdən istifadə edib.
“Yüzlərlə gənc paytaxtın mərkəzində həlak olan əsgərlərə görə
ölkə başçısına xitabən “Ali Baş Komandan, cavab ver bizə” deyib, müdafiə
nazirinin istefasını tələb ediblər. 80 nəfərdən çox aksiyaçı zorakılığa məruz
qalaraq saxlanılıb. Lakin bir müddət sonra onların əksəriyyəti azad edilib”, -
deyə qəzet yazır.
Məqalədə bu ilin yanvarında əsgər Cehun Qubadovun orduda ölməsindən
bəhs olunur. Qeyd edilir ki, əsgərin anasına onun ürək çatışmazlığından öldüyü
deyilib, amma yayılan fotolarda onun bədənində ciddi zorakılıq əlamətləri
görünür.
Məqalədə həmçinin aksiya öncəsi NİDA vətəndaş hərəkatının 3 fəalının
həbs edildiyi haqda məlumat verilir. “Onlar qanunsuz olaraq narkotik vasitələri
əldə etmə, saxlama və ya satma kimi ittihamlarla həs olunublar”.
Hərəkatın üzvü Zaur Qurbanlı qəzetə bildirib ki, o da bazar
günü keçirilən aksiyada iştirak edib. Dostlarını televiziyalarda yayımlanan
“etiraflara” təzyiq vasitəsilə məcbur ediblər.
Azərbaycan aksiyaları dağıtmaq üçün xüsusi qurğuları ABŞ-dan alıb
Hakimiyyət nümayişçilərə qarşı LRAD tətbiq etməyə hazırdır
Bazar günü etiraz aksiyası zamanı hakimiyyət nümayişçilərin
dağıdılması üçün “səs/akustik top” kimi də tanınan uzaq məsafədən təsir göstərən
akustik qurğu (LRAD “Long Range Acoustic Device”) tətbiq etməyə hazır idi.
Bu qurğular bazar günü ən az dörd yerdə, o cümlədən hakim
Yeni Azərbaycan Partiyasının qərargah-mənzilində görünüb.
“Vikipediya”dakı məlumata görə, LRAD 2000-ci ildə American
Technology Corporation tərəfindən terrorçulardan, piratlardan, hərbi nümayişçilərdən
müdafiə üçün hazırlanıb. İnsanlara təsir üçün 150 desibel gücündə səsdən
istifadə olunur.
Müqayisə üçün reaktiv təyyarənin mühərrikinin səsi təxminən
120 desibel təşkil edir, 130 desibel isə insanın eşitmə aparatını zədələyə bilər.
Ekspertlər iddia edirlər ki, bu sistemlər daxili orqanların
ağır xəsarət almasına səbəb ola bilər.
2007-ci ildə Gürcüstanda hökumət əleyhinə nümayişçilərin
dağıdılması zamanı akustik toplardan istifadə olunub. Nəticədə 508 nəfər tibbi
yardım üçün müraciət etmək məcburiyyətində qalıb. Zərərçəkənlərdə zəhərli maddələr
üçün səciyyəvi olan simptomlar qeydə alınıb: şüurun pozulması, panika, yaddaşın
itirilməsi.
Maraqlıdır ki, Amerika QHT-lərini inqilabi siyasi
texnologiyalar ixrac etməkdə imtina edən Azərbaycan hakimiyyəti özü Qərbdən cəza
vasitələri alır.
Martın 10-da Bakıda “Əsgər ölümlərinə son!” tələbi ilə
keçirilən etiraz aksiyası zamanı hakimiyyət nümayişçilərin dağıdılması üçün küçəyə
uzaq məsafədən təsir göstərən akustik qurğu (LRAD “Long Range Acoustic Device”)
çıxarıb. Xəbərdə bildirilir ki, bu qurğular martın 10-da ən azı dörd yerdə, o
cümlədən hakim Yeni Azərbaycan Partiyasının qərargahı qarşısında görünüb. “Yeni
Müsavat”ın aksiyanı izləmiş reportyor qrupu da silahın həmçinin “McDonalds”
restoranının qarşısında, “Zümrüd” restoranının yaxınlığında və Mərkəzi
Universal Mağazanın qarşısında yerləşdirildiyini müşahidə ediblər.
İstanbulda erməni fonduna mehmanxana tikir
İstanbulda fəaliyyət göstərən erməni fonduna mehmanxana və
bina tikmək icazəsi verilib.
Ermənistan mətbuatına verilən xəbərinə görə, Mxitaryan
kolleci və kilsəsi Fondunun 15 min kvadrat metrlik ərazidə tikinti layihəsi təsdiqlənib.
Layihəyə edilən dəyişikliklər nəticəsində indiyədək “İnci
Sineması” kimi tanınan fondun ərazisində erməni kilsəsi və kollec qorunub
saxlanmaqla mehmanxana və yaşayış evi tikiləcək.
Son illərdə rəsmi əlaqələr qurulmasa da Türkiyə ilə Ermənistan
arasında ticarət əlaqələri və hava üçüşlarının sayı artıb.
Qeyd edək ki, dəyişiklik nəticəsində ərazidə ticarət mərkəzi
tikilməsi planı ləğv edilib.
Hacı Mövsüm və digər dindarların kassasiya şikayəti təmin edilməyib
bu gün Azərbaycan Respublikası Ali Məhkəməsində hakim Fərhad
Kərimovun sədrliyi ilə Hacı Mövsüm və digər dindarların ilkin məhkəmə
instansiyalarından kassasiya şikayətinə baxılmışdır. Məhkəmə prosesində vəkillərin
ərizəsinin olmasına baxmayaraq, məhkumların iştirakı təmin olunmamış, bəhanə
kimi məhkumların ərizəsinin olmaması əsas kimi gətirilmişdir.
Müxbirimizin verdiyi məlumata görə, vəkillərin çıxışından
sonra dövlət ittihamçısı məhkəməyə kassasiya şikayətinin təmin olunmaması barədə
çıxış edib və məhkəmənin yekun qərarı fevralın 21-də saat 14.30-a qədər təxirə
salınmışdır.
Qeyd edək ki, 2011-ci il oktyabrın 7-də Bakı Ağır Cinayətlər
Məhkəməsi Mövsüm Səmədova 12 il iş kəsib. Mayın 17-də Bakı Apellyasiya Məhkəməsi
qərarı qüvvədə saxlayıb. Partiya lideri hakimiyyəti zorla ələ keçirmə və başqa
cinayətlərdə təqsirli bilinib.
Mövsüm Səmədovla birgə həbs edilən digər dindarlar da şərlənərək
Cinayət Məcəlləsinin 28, 214.2.1-ci (qabaqcadan əlbir olan bir qrup şəxs, mütəşəkkil
dəstə və ya cinayətkar birlik (cinayətkar təşkilat) tərəfindən cinayətə
hazırlıq), 28, 214.2.3-cü (odlu silahdan və silah qismində istifadə olunan
predmetlərdən istifadə etməklə cinayətə hazırlıq), 228.3-cü (qanunsuz olaraq
odlu silah, onun komplekt hissələrini, döyüş sursatı (yivsiz odlu ov silahı və
həmin silah üçün döyüş sursatı istisna olmaqla), partlayıcı maddələr və
qurğular əldə etmə, başqasına vermə, satma, saxlama, daşıma və ya gəzdirmə),
278-ci (hakimiyyəti zorla ələ keçirmə və ya onu zorla saxlama) maddələri ilə
ittiham olunurlar.
Nazirlərin əyləndikləri yer
Azərbyacan Respublikasının nazirləri və onların ailələri
hökumətin 2 milyard avroya yaxın vəsait xərclədiyi Şahdağ Qış-Yay Turizm
Kompleksində əylənirlər.
Dəniz səviyyəsindən 1300-2300 metr yüksəklikdə yerləşən
Şahdağ Qış-Yay Turizm Kompleksində əylənərkən idman və gənclər naziri Azad Rəhimov
Yeni Musavat qəzetinin müxbirinin foto-aparatında qaça bilməyib.
Qəzetin müxbiri yazır : “Kompleksdə bizim isə diqqətimizi
kurort zonasında idman və gənclər naziri Azad Rəhimov çəkdi. Nazir kafedə
oturub dincəlirdi. O da xizək sürməkdən gəlmişdi. Onunla birlikdə yaxınları
oturmuşdular. Biz həmin şəxslərin nazirin ailəsi olduğunu güman edib jurnalist
kimi yaxınlaşmağı, onu narahat etməyi etik saymadıq. Nazirin şəkillərini çəkdik”!!
Indi də qadınlar icra hakimiyyətindən narazıdırlar
Zaqatala rayonunun Mamrıx kəndinin qadınlarından ibarət
bir qrup icra hakimi Mübariz Əhmədzadənin əməlləri ilə bağlı etirazlarını
bildirmək üçün Azərbaycan Prezident Administrasiyasına yürüş edəcəklərini
bildirir.
Qadınlar icra hakimiyyəti başçısının fevralın 17-də kəndə gəldiyi
zaman davranışını özləri üçün təhqiredici hesab ediblər. Həmin gün Əhmədzadənin
kartejini görən 20-yə yaxın qadın ötən ilki zəlzələnin nəticələrinin aradan
qaldırılması üzrə işlərin gedişatı ilə bağlı iradlarını bildirmək üçün yolu kəsiblər.
Qadınların bu hərəkəti icra hakimiyyəti başçısını özündən
çıxarıb, o, sakinləri təhqir edərək yolu açmağı tələb edib. Keçirdikləri əsəb
şokundan iki qadın – M.Əliyeva və Gülər Bayramova xəstəlik tapıb.
Bu barədə azadliqnews.tv saytına məlumat verən Mamrıx kənd
sakini Fatimə Əfəndiyeva deyib ki, mayda baş vermiş zəlzələsindən sonra kənddə
bir çox evlər yararsız hala düşüb, lakin bərpa işləri zəif gedir və heç kim
şikayətlərə cavab vermir.
Zəlzələ zamanı yaşadığı mənəvi travma nəticəsində Əfəndiyevanın
oğlu Mərkəzi Tibbi Yardım Xəstəxanasında müalicə alıb. Onun evi yararsız hala
düşüb, lakin FHN evin yaşayış üçün yararlı olduğunu bildirir.
Mənbənin verdiyi məlumata görə, maşında Əhmədzadə ilə yanaşı,
fövqəladə hallar nazirinin müavini Orucəli Hacıyev də var idi və o, qadınların
etirazına heç bir reaksiya verməyib.
Bir gün əvvəl “Kür” vətəndaş cəmiyyəti qərargahının
monitorinq qrupu Zaqatala rayonunda olub. Yerli icra hakimiyyəti rəhbərliyinə və
FHN-ə zəlzələnin nəticələrinin aradan qaldırılması üzrə işlərin birgə
monitorinqini həyata keçirmək təklif olunub, lakin bu təşəbbüs dəstəklənməyib.
Kaydol:
Kayıtlar (Atom)
23 aprel logosı
23 aprel
