Dini fəal, bloqçu Rəşad Ramazanovun həyat yoldaşı Könül İsmayılova onunla görüşüb. Könül İsmayılova bildirib ki, görüş əsasən yoxlama məqsədi güdüb: “Çünki Rəşad karantində idi. Nə zəng edirdi, nə də xəbər ala bilirdik. Nigaran idik. Amma 2 saylı Cəzaçəkmə Müəssisəsinə getdiyimiz gün onu buraxmışdılar. Cəzaçəkmə müəssisəsinə köçürüləndən sonra əhvalı bir qədər yaxşılaşıb”.

Rəşad Ramazanov 2013-cü ilin mayında həbs edilib. O, qanunsuz olaraq külli miqdarda narkotik vasitələri saxlamaqda təqsirli bilinib. Bakı Ağır Cinayətlər Məhkəməsi Rəşad Ramazanova 9 il azadlıqdan məhrumetmə cəzası kəsib. Bakı Apellyasiya Məhkəməsi hökmü qüvvədə saxlayıb. Bloqçu ötən ay Bakı İstintaq Təcridxanasından 2 saylı Cəzaçəkmə Müəssisəsinə köçürülüb.